У Беларусi ўзрастае забяспечанасць насельнiцтва ўрачамi i сярэднiм медперсаналам

Источник материала:

Паводле даных статыстычнага ведамства, забяспечанасць насельнiцтва ўрачамi ўзрасла ва ўсiх рэгiёнах рэспублiкi. Самы высокi гэты паказчык — у Мiнску (у 2006 годзе — 76,7 на 10 тыс. жыхароў, у 1995-м — 71,7), а самы нiзкi — у Мiнскай вобласцi (у 2006 годзе — 34,8, у 1995-м — 28,4).

Што датычыцца забяспечанасцi насельнiцтва сярэднiм медыцынскiм персаналам, то гэты паказчык за 1995—2006 гады павялiчыўся ў цэлым па рэспублiцы са 115,5 на 10 тыс. чалавек да 121,8. Прычым станоўчая дынамiка росту гэтага паказчыка адзначаецца ва ўсiх рэгiёнах краiны, за выключэннем сталiцы. У Мiнску забяспечанасць насельнiцтва сярэднiм медперсаналам знiзiлася са 137,5 на 10 тыс. жыхароў у 1995 годзе да 132,1 у 2006 годзе. Аднак трэба адзначыць, што за 12 гадоў колькасць насельнiцтва сталiцы ўзрасла з 1 млн 669,5 тыс. чалавек да 1 млн 797,5 тыс. У астатнiх рэгiёнах, як i ў цэлым па Беларусi, колькасць насельнiцтва знiзiлася.

Максiмальнае i мiнiмальнае значэнне паказчыка забяспечанасцi насельнiцтва сярэднiм медыцынскiм персаналам у разрэзе рэгiёнаў аналагiчна паказчыку забяспечанасцi насельнiцтва ўрачамi. На першым месцы — Мiнск, на апошнiм — Мiнская вобласць (у 2006 годзе — 109,7 на 10 тыс. жыхароў, у 1995-м — 97,8).