Главная
Гороскопы
Сiтуацыя на збожжавым полi не крытычная
Надзвычай гарачае надвор’е i лакальны дэфiцыт ападкаў у трэцяй дэкадзе мая i першай палове чэрвеня прывялi да пашкоджання 20—25 тыс. га i гiбелi 5,5 тыс. га пасеваў сельгаскультур, паведамiў карэспандэнту БЕЛТА першы намеснiк генеральнага дырэктара Навукова-практычнага цэнтра па земляробству НАН Беларусi акадэмiк Мiхаiл Кадыраў.
Паводле слоў вучонага, пашкоджаны, галоўным чынам, сельгаскультуры на лёгкiх глебах i мелiяраваных землях на поўднi Беларусi — у Гомельскай вобласцi. У некаторых гаспадарках рэгiёну даводзiцца ўбiраць пасевы азiмых на корм жывёле i перасяваць аднагадовыя раслiны, каб папоўнiць кармавы запас. Адсутнасць ападкаў прывяла да паветранай i глебавай засухi. У некаторых раёнах вобласцi прадукцыйнай вiльгацi наогул не засталося, раслiны сохнуць на коранi. Iншыя культуры, якiя маюць больш глыбокапранiкальную каранёвую сiстэму (кукуруза, бульба, азiмы рапс) па стану на 13 чэрвеня практычна не пашкоджаны засухай, падкрэслiў субяседнiк. Нягледзячы на ўжо нанесены ўрон, у цэлым сiтуацыя з фармiраваннем ураджаю пры цяперашнiх умовах надвор’я не ацэньваецца як крытычная, адзначыў Мiхаiл Кадыраў, паколькi ў апошнiя днi практычна ва ўсiх рэгiёнах рэспублiкi праходзяць лакальныя дажджы, а дзённая тэмпература знiзiлася да 22—26 градусаў цяпла.
Чтобы разместить новость на сайте или в блоге скопируйте код:
На вашем ресурсе это будет выглядеть так
Надзвычай гарачае надвор’е i лакальны дэфiцыт ападкаў у трэцяй дэкадзе мая i першай палове чэрвеня прывялi да пашкоджання 20—25 тыс. га i гiбелi 5,5 т |
|