Аляксандр ЛУКАШЭНКА: «У якасцi галоўнага пытання ў дыялогу з ЕС Беларусь бачыць энергетычнае супрац

Источник материала:

Гутарка Прэзiдэнта з намеснiкам галоўнага рэдактара газеты «Монд» па замежнай тэматыцы Крыстофам Шатло доўжылася больш за дзве з палавiнай гадзiны. Аляксандру Лукашэнку было зададзена 47 пытанняў, якiя датычылiся шырокага спектра тэм: узаемаадносiнаў Беларусi i Еўрасаюза, магчымасцяў наладжвання сур’ёзнага дыялога памiж Беларуссю i Францыяй, супрацоўнiцтва рэспублiкi з краiнамi-суседзямi, якiя ўступiлi нядаўна ў ЕС, узаемадзеяння Беларусi з новымi знешнепалiтычнымi партнёрамi, у тым лiку з Венесуэлай, будаўнiцтва ў рэспублiцы атамнай электрастанцыi, уступлення Беларусi ў СГА.

Французскi журналiст цiкавiўся тым, як Беларусь пераадолела наступствы iстотнага павелiчэння цэн на расiйскiя энерганосьбiты, перспектывамi далейшага саюзнага будаўнiцтва. Аляксандр Лукашэнка выказаў сваю думку адносна размяшчэння элементаў ПРА ЗША ў еўрапейскiх краiнах, прасоўвання НАТА на Усход, сiтуацыi ва Украiне i магчымых перспектыў далейшых аб’яднальных працэсаў на постсавецкай прасторы.

У час iнтэрв’ю былi закрануты i актуальныя пытаннi, якiя датычацца ўнутрыпалiтычнага жыцця рэспублiкi: узаемаадносiнаў улады i апазiцыi, аптымiзацыi сацыяльных iльгот, прычын адсутнасцi ў Беларусi так званай партыi ўлады.

Як адзначыў Аляксандр Лукашэнка, Беларусь будзе вiтаць сур’ёзны дыялог з новым кiраўнiцтвам Францыi. «Хацелася б, каб новае французскае кiраўнiцтва, вывучыўшы сiтуацыю i тое, што адбываецца сёння памiж Беларуссю i Еўрасаюзам, Беларуссю i Францыяй, зрабiла з гэтага адпаведныя высновы. Мы будзем вiтаць, калi новае кiраўнiцтва Францыi зверне на гэта ўвагу, i мы будзем весцi сапраўды сур’ёзны, салiдны дыялог, як гэта было прыкладна 8—10 гадоў таму», — падкрэслiў кiраўнiк дзяржавы.

На думку Прэзiдэнта, пашырэнне НАТА i размяшчэнне элементаў ПРА ЗША на тэрыторыi Польшчы i Чэхii — гэта, перш за ўсё, пытанне бяспекi самiх еўрапейцаў, а не Беларусi. «ЗША, не параiўшыся са сваiмi еўрапейскiмi партнёрамi, узмацняюць прысутнасць у гэтым рэгiёне. Еўрапейцы робяць выгляд, што гэтага не заўважаюць, маўчаць. Але мы ведаем, чым можа абярнуцца гэта маўчанне», — сказаў Аляксандр Лукашэнка.

Паводле слоў Прэзiдэнта, Беларусь сёння адводзiць энергетычнаму супрацоўнiцтву галоўнае месца ў дыялогу з Еўрасаюзам.

«Пытанне забеспячэння энерганосьбiтамi з’яўляецца найважнейшым перш за ўсё для еўрапейцаў, i гэтай праблемай еўрапейцы павiнны былi даўно заняцца, не чакаючы крызiсу ў адносiнах памiж Беларуссю i Расiяй, якi балюча ўдарыў па ЕС, — падкрэслiў Аляксандр Лукашэнка. — У якасцi галоўнага ў дыялогу Беларусь—Еўрасаюз мы паставiлi менавiта гэта пытанне, а не нейкiя эфемерныя праблемы. Напэўна, еўрапейцы з-за iнертнасцi пакуль не заўважаюць гэтых праблем. Але паверце, гэтыя праблемы ўдараць па тых палiтыках, якiя ў ЕС сёння iх не заўважаюць».

«Спадзяюся, што новы прэзiдэнт Францыi i новае кiраўнiцтва, энергiчнае, маладое, убачаць гэтыя праблемы i тады ацэняць Беларусь», — дадаў Аляксандр Лукашэнка.

Газета «Монд» — уплывовае штодзённае грамадска-палiтычнае выданне Францыi, якое публiкуе матэрыялы на розныя тэмы: палiтычныя, эканамiчныя, культурныя, а таксама размяшчае сур’ёзныя аналiтычныя агляды. Заснаваная ў 1944 годзе, сёння гэта газета з’яўляецца лiдарам па тыражу сярод такiх выданняў, апярэджваючы такiя буйныя французскiя газеты, як «Фiгаро» i «Лiберасьён». Цяпер у штаце рэдакцыi газеты працуюць каля 4000 супрацоўнiкаў.