Нарматыўных дакументаў шмат. Але як яны працуюць?

26.08.2009 08:57 — |

Размер текста:: A; A; A

Источник материала:

Барыс ПРАКОПЧЫК.

«Заканадаўства аб турызме: тэорыя i практыка» — семiнар на такую тэму быў арганiзаваны Пастаяннай камiсiяй Савета Рэспублiкi Нацыянальнага сходу Беларусi па дэмаграфiчнай бяспецы i сацыяльным развiццi.

Удзельнiкi семiнара азнаёмiлiся з асноўнымi накiрункамi развiцця рэгiянальнай турысцкай палiтыкi на Гродзеншчыне, наведалi шэраг турыстычных аб’ектаў, у прыватнасцi, Лiдскi замак (iмправiзаванае прадстаўленне «Вяселле Ягайлы»), вясковую сядзiбу «Над Нёманам», агратурыстычны комплекс Гродзенскага мясакамбiната, Аўгустоўскi канал.

Як адзначалася на семiнары, у мiнулым годзе быў зроблены сапраўдны заканадаўчы прарыў ў турыстычнай галiне — прынята 13 нарматыўных дакументаў. Але як жа яны працуюць? Далёка не заўсёды эфектыўна. Колькi нi гаворыцца аб развiццi прыдарожнага сэрвiсу, аднак новых аб’ектаў практычна не з’яўляецца, а тыя, што ёсць, не адпавядаюць сучасным патрабаванням да абслугоўвання клiентаў. Па-ранейшаму вельмi праблематычна з гасцiнiцамi, асаблiва ў малых i сярэднiх гарадах, да таго ж гасцей з замежжа зусiм не прываблiвае тое, што тарыфы для iх не такiя ж, як для беларускiх грамадзян. Не назавеш спрыяльнымi i ўмовы для замежных турыстаў пры перасячэннi мяжы. Скажам, каб атрымаць вiзу для наведвання беларускай часткi Аўгустоўскага канала, трэба ехаць у Беласток.

Па вынiках абмеркавання гэтых i iншых праблем у сферы турызму будуць прыняты рэкамендацыi органам дзяржаўнага кiравання.