Главная
Гороскопы
ТАК СТВАРАЕЦЦА ІМІДЖ
Мікалай ЛІТВІНАЎ.
Навядзенне парадку на зямлі — сапраўдная адметнасць дня сённяшняга. Беларускія гарады і вёскі набываюць сучасны выгляд, не губляючы свайго набытага на працягу стагоддзяў каларыту. Калі пабывалі нядаўна ў Чэрвені, то яшчэ раз пераканаліся ў гэтым. У райцэнтры зараз ва ўсю кіпіць работа: на вачах ператвараецца цэнтр горада. У маштабным добраўпарадкаванні ўдзельнічаюць як арганізацыі, так і многія жыхары. У райвыканкаме пастаянна працуе спецыяльная “гарачая лінія” — кожны жадаючы можа ўнесці ацпрапанову наконт распрацоўкі “іміджу” Чэрвеня. Людзі вельмі актыўна бяруць удзел у абмеркаванні, дапамагаюць будаўнікам пры правядзенні работ.
Старыя пліты заменены на стыльную плітку, у парадак прывялі цэнтральны скверык. Хутка тут пачне працаваць фантан, які на працягу апошніх дваццаці гадоў не радаваў гараджан і гасцей старажытнага горада. — Добраўпарадкаванне нездарма вырашылі пачаць менавіта з цэнтра Чэрвеня, — заўважае начальнік аддзела жыллёва-камунальнай гаспадаркі Чэрвеньскага райвыканкама Іван Іванцоў. — Пасля таго, як тут будуць выкананы ўсе неабходныя работы, перамесцімся ў іншыя мікрараёны. У лесапарку “Загор’е” (любімым месцы адпачынку мясцовых жыхароў) плануецца пабудаваць сучасны амфітэатр. Зараз тут манціруецца сцэна, для даху мяркуецца закупіць металаканструкцыі. Будуць устаноўлены прыгожыя альтанкі, а таксама спартыўныя і гульнявыя атракцыёны для дзяцей. “Глядзельная зала” пад адкрытым небам павялічыцца са 150 да больш чым 400 месцаў. Добраўпарадкаванне поў-ным ходам ідзе па ўсім раёне. У навядзенні парадку на зямлі актыўны ўдзел бяруць сельскія Саветы, старэйшыны вёсак. Асноўны клопат у глыбінцы — міні-палігоны. Паводле слоў Івана Іванцова, зараз яны ёсць каля ўсіх вялікіх вёсак, праўда, узнікаюць праблемы з набыццём неабходнай тэхнікі (тых жа бульдозераў). Зараз вырашаецца пытанне аб іх закупцы. На Чэрвеньшчыне арганізаваны цэнтралізаваны вываз смецця — у гэтай рабоце бяруць удзел як сельскагаспадарчыя вытворчыя кааператывы, так і прыватнікі. Чэрвеньскі раён. Чтобы разместить новость на сайте или в блоге скопируйте код:
На вашем ресурсе это будет выглядеть так
Навядзенне парадку на зямлі — сапраўдная адметнасць дня сённяшняга. Беларускія гарады і вёскі набываюць сучасны выгляд, не губляючы свайго набытага
|
|