Фотафакт. Падарожныя нататкі. Еўропа

Источник материала:

У шосты раз Інстытут імя Гётэ ў Мінску разам з партнёрамі - Польскім інстытутам ў Мінску, Пасольствам Літоўскай Рэспублікі ў Рэспубліцы Беларусь, Шведскім Інстытутам і Мінскім аддзяленнем Пасольства Швецыі ў Маскве - рэалізуе міжнародны тэматычны выставачны праект "Падарожныя нататкі. Еўропа".

…Падарожныя нататкі - спосаб перадачы аўтарскіх адчуванняў. Прыступаць да іх трэба адразу ж, пакуль жывыя непасрэдныя ўражанні, ці, насупраць, праз значны адрэзак часу, калі адсеюцца захапленні імгненнасці і памяць захавае толькі тое, што не забываецца.

Падарожжа - больш чым акт руху наперад. Гэта новыя ўражанні, іншая фонавая музыка, іншы пейзаж за акном. Падарожныя нататкі - памяць пра рэзкія цені на белым вапняку, пра сонца, якое закатваецца за круглае лясное возера, пра шоргаты лесу…

Мастакі - удзельнікі праекта: Юрый Алісевіч, графіка (Беларусь); Томас Будрыс, фатаграфія (Літва); Аляксандр Вахрамееў, графіка (Беларусь); Рышард Збігнеў Карчмарскі, фатаграфія (Польшча); Енц Олаф Ластхейн, фатаграфія (Швецыя); Лукаш Левандоўскі, графіка (Польшча); Томас Майер, фатаграфія (Польшча); Ені Ульрыка Ольсан, графіка (Швецыя); Марцін Росваг, фатаграфія (Германія); Кястуціс Стошкус, фатаграфія (Літва).


Кястуціс Стошкус


Томас Будрыс


Аляксандр Вахрамееў


Рышард Збігнеў Карчмарскі



Лукаш Левандоўскі


Олаф Ластхейн


Томас Майер


Ені Ульрыка Ольсан


Да 20.01.2008 выставу можна будзе пабачыць у Мінску, у Музеі сучаснага выяўленчага мастацтва.
Далей:
24.1. - 7.3.2008 Гомель, Карцінная галерэя Г. Х. Вашчанкі
13.3. - 20.4.2008 Магілёў, Абласны мастацкі музей імя П. В.  Масленікава
24.4. - 31.5.2008 Гродна, Дзяржаўны гісторыка-археалагічны музей
5.6. - 6.7.2008 Баранавічы, Выставачная зала Краязнаўчага музея
10.7. - 31.8.2008 Брэст, Музей "Выратаваныя мастацкія каштоўнасці" і
Абласны краязнаўчы музей
4.9. - 5.10.2008 Полацк, Мастацкая галерэя

Теги: Гомель