Алег Антоненка: "Прайсці б у Канадзе ў плей-оф, i я згодны не галiцца..."

Источник материала:

Нападаючы Алег Антоненка быў названы лепшым беларускiм хакеiстам-2007. Сваё званне ветэран i шматгадовы капiтан зборнай абавязкова паспрабуе апраўдаць i на сёлетнiм чэмпiянаце свету ў Канадзе, дзе, не сумняваюся, ён выкладзецца па поўнай праграме. Якi настрой у форварда напярэдаднi галоўнага старту сезона, цi ўладзiўся яго канфлiкт з падмаскоўным МУС, цi будзе хакеiст галiцца ў Квебеку, — адказы на гэтыя i iншыя пытаннi даведаемся з першых вуснаў.— Што лiдар каманды можа сказаць аб гатоўнасцi зборнай да чэмпiянату свету?

— На гэтае пытанне лепш адкажуць кантрольныя паядынкi. Зараз жа я магу дакладна сказаць толькi аб сваёй гатоўнасцi. Нiякiх праблем з фiзiчнай, функцыянальнай падрыхтоўкай у мяне няма. Форма, клюшка, медыкаменты — ёсць усе ўмовы для работы.

— Курт i Глен — аптымальны варыянт для нашай зборнай, таму што Фрэйзер напорысты, агрэсiўны ў патрабаваннях, ён мозг зборнай, а Глен больш эмацыянальны, любiць пажартаваць. I гэты яго аптымiстычны настрой перадаецца камандзе. Дарэчы, сёння на трэнiроўцы Хэнлан стаў аўтарам кур’ёзу: Эдуард Занкавец тлумачыў па-руску, што мы будзем рабiць, а Глен адкрываў рот, быццам гэта ён гаворыць, прычым "расказваў" усё з яскравай мiмiкай i жэстамi. Ужо напярэдаднi трэнiроўкi зарад станоўчай энергii ў нас быў.

— Вось бачыце, у гэтым годзе мы масць мяняем (смяецца). Пачалi з паражэнняў — значыць, на чэмпiянаце свету выступiм добра.

— Галоўнае, каб у галаве быў дух пераможцы. Ведаеце, лепш пачаць з паражэнняў, чым адразу ўзняцца на вяршыню, а потым звалiцца з яе. Па лесвiцы патрэбна ўзнiмацца паступова — у гульнявым, эмацыянальным плане.

— Я вам лепш пасля чэмпiянату падрабязна аб гэтым раскажу (усмiхаецца). Я ведаю, што ў Расii для падрыхтоўкi зборнай спецыяльна стварылi невялiкую пляцоўку. Аднак я лiчу, што ў нас будзе дастаткова часу ў Канадзе, каб звыкнуцца з такiмi памерамi.

— Прыезд Калюжнага, зразумела, — вялiкi плюс. Калi мы гулялi ў Омску, я гутарыў з Лёшам, i ён сказаў, што выступiў бы за нашу зборную з вялiкай ахвотай. Калi ён так рады вяртанню ў каманду, мяркую, што ён прынясе ёй вялiкую карысць, бо ў гэтым сезоне Калюжны цудоўна сябе паказаў, быў сапраўдным лiдарам i па вынiковасцi, i па гульнi ў цэлым. Наконт адсутнасцi Мезiна... Безумоўна, яго нам будзе не хапаць, бо ён — своеасаблiвы талiсман зборнай. Якiм б нi быў склад каманды, звыкла, калi Мезiн у варотах. Аднак у нас ёсць яшчэ тры галкiперы, прычым яны вельмi шмат працуюць над сабой. Я спадзяюся, што кантрольныя гульнi нададуць iм упэўненасцi. Ва ўсякiм разе, мне хацелася б верыць, што на чэмпiянаце свету ў нас не ўзнiкне праблем з першым рубяжом лiнii абароны, а мы, абаронцы, нападаючыя, будзем iмкнуцца, каб як мага менш работы адводзiлася варатару.

— Усё нармальна. Я перыядычна сазвоньваюся з кiраўнiцтвам клуба, якое цiкавiцца маiм станам, справамi ў зборнай, расказвае, што адбываецца ў клубе.

— З аднаго боку, добра, калi такiм чынам у нас з’явiцца базавы клуб для падрыхтоўкi зборнай. З iншага — хацелася б, каб не патух наш унутраны чэмпiянат на фоне ўвагi да гэтай галоўнай каманды.

— Я толькi ўчора пагалiўся (усмiхаецца). Да гэтай звычкi не галiцца ў плей-оф я стаўлюся не надта сур’ёзна. Праўда, калi я гуляў за "Дынама", то не галiўся. Калi мы трапiм у плей-оф на чэмпiянаце свету, то я стопрацэнтна не буду галiцца. Каб прайсцi далей, я згодны на ўсё! А яшчэ я хацеў бы звярнуцца да нашых балельшчыкаў, каб яны верылi ў нас i абавязкова падтрымлiвалi, бо мы гэта заўжды адчуваем.