Узровень падаткаабкладання для ўладальнікаў аб’ектаў прыдарожнага сэрвiсу знiжаны

Источник материала:

Прэзiдэнт Рэспублiкi Беларусь Аляксандр Лукашэнка падпiсаў указ № 270 "Аб мерах па развiццi прыдарожнага сэрвiсу".

Кошт аб’ектаў прыдарожнага сэрвiсу на працягу двух гадоў з даты ўводу iх у эксплуатацыю прапануецца не абкладаць падаткам на нерухомую маёмасць. Акрамя таго, атрыманыя ад рэалiзацыi паслуг на аб’ектах прыдарожнага сэрвiсу прыбытак арганiзацый i даходы iндывiдуальных прадпрымальнiкаў, якiя не з’яўляюцца плацельшчыкамi адзiнага падатку, на працягу пяцi гадоў з даты ўводу ў эксплуатацыю такiх аб’ектаў намечана не абкладаць падаткам на прыбытак i падаходным падаткам адпаведна.

Будаўнiцтва i (або) рэканструкцыю аб’ектаў прыдарожнага сэрвiсу, а таксама iнжынернай iнфраструктуры да iх прадугледжваецца весцi без кампенсацыi страт сельскагаспадарчай i лесагаспадарчай вытворчасцi, выклiканых адабраннем зямель для мэтаў, не звязаных з вядзеннем сельскай i лясной гаспадаркi. Банкам, упаўнаважаным абслугоўваць дзяржаўныя праграмы, прапанавана прадастаўляць арганiзацыям i iндывiдуальным прадпрымальнiкам, якiя ажыццяўляюць будаўнiцтва i (або) рэканструкцыю аб’ектаў прыдарожнага сэрвiсу, а таксама iнжынернай iнфраструктуры да iх, крэдыты на тэрмiн да пяцi гадоў па стаўках у беларускiх рублях — у памеры 2/3 стаўкi рэфiнансавання Нацыянальнага банка, у замежнай валюце — у памеры 8 працэнтаў гадавых.

Мясцовым Саветам дэпутатаў або па iх даручэннi мясцовым выканаўчым i распарадчым органам ва ўстаноўленым парадку прапанавана прыняць рашэннi аб знiжэннi ў два разы ставак зямельнага падатку i арэнднай платы за зямельныя ўчасткi, што прадастаўляюцца на перыяд будаўнiцтва i (або) рэканструкцыi аб’ектаў прыдарожнага сэрвiсу i iнжынернай iнфраструктуры да iх.