Абзац

Источник материала:

* Налічаная сярэдняя заработная плата работнiкаў Беларусi ў красавiку бягучага года склала Br836 тыс. 980, паведамiлi ў Мiнiстэрстве статыстыкi i аналiзу. Гэты паказчык у сакавiку гэтага года быў роўны Br807 тыс. 846. Налiчаная сярэдняя заработная плата рабочых i служачых у красавiку 2008 года склала Br857 тыс. 210 (у сакавiку яна была Br829 тыс. 305).

* Расiйскiя праваахоўныя органы перадаюць Беларусi спiс грамадзян, якiм часова забаронены выезд з краiны, паведамiў старшыня Дзяржаўнага пагранiчнага камiтэта Беларусi Iгар Рачкоўскi. Паводле яго слоў, у базе даных, якая перадаецца, — амаль 200 тыс. чалавек. Гэта спiсы Iнтэрпола, Еўрапола, ФСБ, МУС, падатковых органаў. "На гэта спатрэбiцца каля Br300 млн", — сказаў ён.

* Штогадовы карупцыйны абарот у Расii складае каля 300 млрд долараў. Такiя даныя агучыў фонд IНДЕМ. Па словах прэзiдэнта фонду Георгiя Сатарава, у апошнiя гады карупцыя ў Расii няўхiльна расце. Што датычыцца найбольш карумпаваных сфер, то тут прынцып адзiн — дзе больш грошай, там i больш карупцыi.

* Брытанскi музыкант сэр Элтан Джон атрымаў запрашэнне ад жыхаркi прэстыжнага маскоўскага раёна Рублёўкi выступiць на адкрыццi яе прыватнага гатэля за рэкордны ганарар у $5,2 млн. Першапачаткова спявак планаваў адмовiцца ад вiзiту ў Маскву з-за моцнай занятасцi, аднак пасля таго, як ганарар перавысiў адзнаку ў $5 млн, згадзiўся разгледзець прапанову. Калi ён прыме ўмовы здзелкi, ён установiць новы рэкорд — самы высокi ганарар за канцэрт сольнага выканаўцы. Сярод музычных калектываў свету лiдарства захоўвае група Rolli* g Sto* es, якой жыхар Тэхаса заплацiў за жывое выступленне болей $7 млн.

* Мiнiстэрства аховы здароўя Украiны на 15-дзённы тэрмiн адхiлiла ад пасады галоўнага санiтарнага ўрача i яго першага намеснiка. За гэты час Мiнздраў Украiны правядзе расследаванне гiсторыi з масавай шпiталiзацыяй дзяцей (каля 90 чалавек), якiм былi зроблены прышчэпкi ад краснухi i адзёру.

* 11 лазняў пабудуюць у новых мiкрараёнах Мiнска да 2015 года. Акрамя таго, плануецца рэканструкцыя дзвюх лазняў, а ў трох пройдзе капiтальны рамонт. Сёння ў Мiнску лазняў па санiтарных нарматывах дастаткова, але яны нераўнамерна размеркаваныя па горадзе.

* Бельгiйскi фермер пры ўспашцы зямельнага надзела выпадкова пашкодзiў трубаправод НАТА, якi забяспечвае палiвам штаб Вярхоўнага галоўнакамандавання ўзброенымi сiламi альянсу ў Еўропе, што размяшчаецца ў бельгiйскiм горадзе Монс. На працягу ночы пажарным брыгадам Монса i аварыйным службам НАТА ўдалося адкачаць парадку 40 кубаметраў палiва, што вылiлася з трубы. Мясцовых жыхароў папрасiлi не карыстацца вадой з калодзежаў.

* Па меншай меры 43 ваеннаслужачыя загiнулi ў вынiку буйнога ДТП на поўначы Нiгерыi. У саставе канвою яны ехалi на сямi аўтамабiлях, калi адзiн з iх сутыкнуўся з бензавозам, што рухаўся па сустрэчнай. Ваеннаслужачыя накiроўвалiся дадому пасля мiратворчай аперацыi ў Судане.

* Партыя какаiну коштам 6 млн еўра была выяўлена ў кавунах, што пастаўляюцца з Паўднёвай Амерыкi, паведамiла палiцыя Нiдэрландаў. Партыя кавуноў з какаiнам затрымана на мяжы з Германiяй, адкуль накiроўвалася на аптовы рынак. Усяго ў кавунах было схавана 150 кг чыстага какаiну.

Поўны абзац

* Шэсць разбiтых аўтамабiляў у Данецку i траўмы сярэдняй цяжкасцi ў 11-гадовай дзяўчынкi — такi вынiк "пабегу", якi наладзiў часова выконваючы абавязкi старшынi Старабешаўскай раённай дзяржадмiнiстрацыi (Данецкая вобл.) Iван К. На аўтамабiлi "ДЭУ-Ланос" ён уцякаў ад супрацоўнiкаў Антыкарупцыйнага бюро ГУБАЗ МУС Украiны i аналагiчнага падраздзялення ў Данецку, якiя спрабавалi затрымаць яго па абвiнавачваннi ў атрыманнi хабару — 250 тыс. грыўняў. Яго аўтамабiль вылецеў на сустрэчную паласу, вiхляў ад бардзюра да бардзюра, як у амерыканскiх фiльмах, пратаранiў машыны, якiя блакавалi дарогу. Адна з шынаў не вытрымала, але нават на трох колах машына ўцекача з iскрамi i скрыгатам праляцела яшчэ 65 км. Змогшы адарвацца ад пагонi, чыноўнiк выскачыў з машыны i схаваўся ў лесапаласе, i толькi праз двое сутак быў затрыманы. Зараз ён утрымлiваецца ў СIЗА.

* У Японii папугай, што вылецеў з клеткi i згубiўся, паведамiў сваё iмя i адрас i такiм чынам вярнуўся да гаспадароў. Афрыканскага шэрага папугая Йасукэ знялi з даху дома. У палiцэйскiм участку ён маўчаў, але потым яго перадалi ветэрынару. Там ён маўчаў яшчэ два днi, але потым нечакана загаварыў. Ён адчаканiў "Я пан Йасукэ Накамура", — i назваў адрас, пасля чаго спеў некалькi песенек. Гаспадар папугая расказаў, што такой прамове птушку вучылi два гады.

Паводле паведамленняў  карэспандэнтаў "Звязды" і інфармагенцтваў.