У Беларусі вызначаны дакументы, неабходныя для рэгiстрацыi замежнай бязвыплатнай дапамогi

Источник материала:

Кiраўнiк дзяржавы Аляксандр Лукашэнка 29 мая выдаў Дэкрэт № 10 "Аб унясеннi змяненняў i дапаўненняў у Дэкрэт Прэзiдэнта Рэспублiкi Беларусь ад 28 лiстапада 2003 г. № 24".

У дэкрэце вызначаны пералiк дакументаў, якiя павiнны быць прадстаўлены ў Дэпартамент па гуманiтарнай дзейнасцi Кiраўнiцтва справамi Прэзiдэнта Рэспублiкi Беларусь атрымальнiкамi замежнай бязвыплатнай дапамогi для яе рэгiстрацыi.

Дакументам прадугледжаны абавязак атрымальнiкаў замежнай бязвыплатнай дапамогi прадстаўляць у мытныя або падатковыя органы пасведчанне аб яе рэгiстрацыi i iншыя дакументы ў выпадку выкарыстання гэтымi атрымальнiкамi падатковых iльгот. Пры гэтым для астатнiх атрымальнiкаў не патрабуецца прадстаўленне названых дакументаў у падатковыя або мытныя органы.

Атрымальнiкам замежнай бязвыплатнай дапамогi прадастаўлена права ажыццяўляць часовае захоўванне тавараў, што ўвозяцца на тэрыторыю Беларусi ў якасцi замежнай бязвыплатнай дапамогi, на складах атрымальнiка не толькi ўласных, але i арандаваных або якiя знаходзяцца ў карыстаннi.

Савету Мiнiстраў Беларусi даручана спрасцiць працэдуру дэкларавання замежнай бязвыплатнай дапамогi, што ўвозiцца ў выглядзе падарункавых набораў, упакаваных у святочна аформленую малагабарытную ўпакоўку.

Дэкрэт уступае ў сiлу з дня яго афiцыйнага апублiкавання, з’яўляецца часовым i, згодна з Канстытуцыяй, прадстаўляецца на разгляд Нацыянальнага сходу Рэспублiкi Беларусь.