Светам кiруюць леўшуны?

Источник материала:

Па меркаваннi супрацоўнiкаў аўстрыйскага Нацыянальнага ўнiверсiтэта, людзi, якiя валодаюць левай рукой больш дасканала, могуць апрацоўваць вялiкiя аб’ёмы iнфармацыi хутчэй у параўнаннi з праўшунамi.

Навукоўцы высветлiлi, што сярод аматараў камп’ютарных гульняў леўшуны гуляюць лепш за тых, хто гуляе правай, бо хутчэй аналiзуюць сiтуацыю i рэагуюць на яе больш адэкватна. Такiя людзi добра сябе выявяць у працы вадзiцелямi, пiлотамi, і прадстаўнiкамi iншых прафесiй падобнага кшталту.

Выпускнiкi ВНУ, у якiх больш развiтая левая рука, зарабляюць на 13—21 працэнт больш, чым iх праварукiя аднакашнiкi. Аднак, гэтая тэндэнцыя выяўляецца толькi ў дачыненнi да мужчын.

Леўшуны часцей, чым праўшуны, становяцца высакакласнымi спецыялiстамi (53% супраць 38%). Леўшуноў непрапарцыйна шмат сярод мастакоў, музыкантаў i некаторых катэгорый спартсменаў. У 2004 годзе Ўнiверсiтэт святога Лаўрына апублiкаваў работу, у якой даказвалася, што ўзровень ІQ у леўшуноў прыкметна вышэйшы, чым у праўшуноў.

Да лiку знакамiтых леўшуноў прылiчваюць Аляксандра Македонскага, Мiкеланджэла, Бенджамiна Франклiна, Рональда Рэйгана, Джорджа Буша-старэйшага i Бiла Клiнтана, Фiдэля Кастра, Марка Твэна, Джымi Хендрыкса, Пола Макартнi, Курта Кабейна, Чарлi Чаплiна, Мэрылiн Манро, Iсаака Ньютона i Альберта Эйнштэйна, а таксама Бiла Гейтса.

Дарэчы, у Старажытным Рыме леўшуна звалi "зло" (sinister), старажытныя германцы называлi iх "няўмекамi", а сярэднявечныя служкi царквы разглядалi леварукасць як дакладную прыкмету схiльнасцi да вядзьмарства i нярэдка з-за гэтага спальвалi леўшуноў у часы iнквiзiцыi. На Русi леўшунам забаранялi даваць сведчаннi ў судзе — лiчылася, што леўшуном быў сам д’ябал.

Паводле даных статыстыкi, колькасць леўшуноў на зямным шары складае ад 2 да 8 працэнтаў, 90—91 працэнт праўшуноў, а астатнiя — амбiдэкстры, гэта значыць тыя, хто аднолькава валодае аберуч. Леўшуноў больш сярод мужчын, чым сярод жанчын, леўшуны часцей пакутуюць ад пэўных захворванняў, напрыклад, шызафрэнii, i часцей, чым праўшуны, становяцца алкаголiкамi. Прычыны падзелу чалавецтва на леўшуноў i праўшуноў дакладна невядомыя.