Што такое фітнэс?

Источник материала:

Iнфарм-укол

1. Размiнка. Яна павiнна займаць не менш за 10 хвiлiн i складацца з агульных практыкаванняў, якiя разагрэюць мышцы, i практыкаванняў на расцягванне. У асноўным варта памятаць, што больш карысна выканаць два розныя практыкаваннi за меншы час, чым працяглы час рабiць адно i тое ж.

2. Нагрузкi. Нельга iмклiва нарошчваць нагрузкi, паколькi гэта можа iстотна падарваць здароўе. Для таго, каб арганiзм "уцягнуўся" ў новы вiд дзейнасцi, патрабуецца шмат часу.

3. Рэгулярнасць. Заняткi павiнны быць досыць частымi, а не ад выпадку да выпадку. Для ўстанаўлення правiльных суадносiнаў памiж нагрузкамi i ежай, якая паступае ў арганiзм на працягу дня, рэкамендуецца наступны падыход: на працягу 7—10 дзён за кошт спецыяльных нагрузак аэробнага характару пры частаце пульсу 120—140 удараў у хвiлiну чалавек павiнен "спальваць" адзiн свой сутачны рацыён. Такiм чынам, для дзяўчыны, якая важыць 50 кг i ўжывае 1,5 тысячы калорый у дзень, i для мужчыны, якi важыць 100 кг i атрымлiвае 3 тысячы калорый, нагрузка будзе рознай i па часе, i па iнтэнсiўнасцi.

4. Шкодныя звычкi. Фiзiчныя нагрузкi не сумяшчальныя нi з курэннем, нi з ужываннем алкаголю. Нi ў якiм разе нельга займацца фiтнэсам на наступны дзень пасля злоўжывання алкаголем! Гэта можа справакаваць гiпертанiчны крыз.

5. Самакантроль. Калi пасля заняткаў вы захоўваеце добры апетыт, лёгка засынаеце i прачынаецеся, у вас спакойны i якасны сон, добры настрой i самаадчуванне, значыць нагрузкi пайшлi на карысць. У адваротным выпадку неабходна перагледзець нагрузкi.

6. Рацыён. У першую чаргу неабходна адмовiцца ад познiх прыёмаў ежы, есцi трэба за 3—4 гадзiны да сну. Абавязкова трэба адмовiцца ад простых вугляводаў — цукерак, глазураваных сыркоў i г.д. Гэта — нездаровае харчаванне. Рэкамендуецца ўстрымацца ад ежы на працягу 2 гадзiн пасля заняткаў. Нi ў якiм разе нельга адмаўляцца ад ежы цi пераходзiць на вегетарыянскую дыету. Арганiзму патрэбны бялок — мяса птушкi i рыба.

Што такое метабалiчны сiндром?

Метабалiчны сiндром — гэта сукупнасць некалькiх фактараў, звязаных з абменам рэчываў у арганiзме. Паводле мiжнародных рэкамендацый, урач мае права паставiць такi дыягназ, калi ў пацыента ёсць па меншай меры, тры наступныя сiмптомы:

* аб’ём талii звыш 88 см у жанчын цi 102 см у мужчын

* артэрыяльны цiск звыш 130/85 мм рт слупка

* цукар крывi нашча звыш 6,1 ммоль/л

* павышэнне ўзроўню трыглiцэрыдаў крывi звыш 1,7 ммоль/л

* знiжэнне ўзроўню лiпапратэiдаў высокай шчыльнасцi звыш 1 ммоль/л у мужчын i звыш 1,3 ммоль/л у жанчын.

Iнфаркт мiякарда, iнсульт — гэта канчатковы этап развiцця парушэння метабалiзму. Пачатковыя этапы развiцця атэрасклерозу на фоне парушэння абмену рэчываў адбываюцца за некалькi дзесяткаў гадоў да канчатковых кропак.

Падрыхтавала Святлана БАРЫСЕНКА.