Канчатковы выбар месца будаўніцтва АЭС у Беларусi будзе зроблены не пазней за канец 2008 года

Источник материала:

На працягу блiжэйшага месяца любая кампанiя можа прапанаваць Беларусi свае паслугi па будаўнiцтве АЭС. Аб гэтым заявiў кiраўнiк дзяржавы Аляксандр Лукашэнка на нарадзе па пытаннi будаўнiцтва атамнай станцыi ў Беларусi. 

"Мы дзейнiчаем так, каб пазбегнуць усялякай спекуляцыi аб тым, што мы быццам бы кулуарна з некiм заключылi пагадненне аб будаўнiцтве", — дадаў Прэзiдэнт.

Аляксандр Лукашэнка падкрэслiў, што неабходна яшчэ раз афiцыйна прапанаваць удзельнiчаць у будаўнiцтве АЭС франка-германскай кампанii, а таксама японцам, амерыканцам i расiянам, калi яны праявяць зацiкаўленасць. "Мы iм публiчна прапануем, i гэтак жа публiчна праз месяц у газетах апублiкуем адказ. Нiхто нажывацца на гэтай праблеме не будзе. Не атрымаецца", — папярэдзiў кiраўнiк дзяржавы.

Беларускi бок пры выбары партнёраў зыходзiць з таго, што цяпер у свеце найбольш распаўсюджаны атамныя рэактары тыпу ВВР i ПВР. Пры гэтым 78 працэнтаў атамных энергаблокаў, якiя будуюцца, — рэактары трэцяга пакалення ВВР. Сёння ў свеце толькi тры кампанii — амерыкана-японская, франка-германская i расiйская — выпускаюць рэактары такога тыпу.

Прэзiдэнт асаблiва падкрэслiў, што ў Беларусi будзе пабудавана самая бяспечная АЭС. "Мы паабяцалi народу, i гэта абяцанне выканаем: у нас будзе самая бяспечная атамная электрастанцыя, пабудаваная па апошнiм слове тэхнiкi", — сказаў кiраўнiк дзяржавы. Ён адзначыў, што яго па-ранейшаму не задавальняе стан растлумачальнай работы з насельнiцтвам раёнаў, дзе, магчыма, будзе размешчана АЭС. Паводле слоў Аляксандра Лукашэнкi, трэба канкрэтна працаваць з людзьмi i расказваць, што такое атамная энергiя, у тым лiку i на прыкладах iншых дзяржаў. У якасцi прыкладу ён прывёў Расiю, у якой дастаткова энерганосьбiтаў i дзе, тым не менш, у блiжэйшы час плануецца пабудаваць больш за 20 атамных энергаблокаў, а таксама Еўропу, дзе iх будзе створана некалькi дзесяткаў.

Кiраўнiк дзяржавы лiчыць недапушчальным перанос тэрмiнаў заканчэння асноўных падрыхтоўчых работ па будаўнiцтве АЭС з 2008 на 2009 год.

Прэзiдэнт нагадаў, што палiтычнае рашэнне аб будаўнiцтве ў Беларусi атамнай станцыi было прынята 15 студзеня 2008 года. Былi вызначаны i канкрэтныя тэрмiны ўводу ў эксплуатацыю першага энергаблока ў 2016 годзе, другога — у 2018 годзе. Аляксандр Лукашэнка выказаў незадавальненне тым, што няма поўнай яснасцi i пэўнасцi з выбарам пляцоўкi для будаўнiцтва.

На нарадзе былi дэталёва абмеркаваны пытаннi па выбары пляцоўкi i падрадчыка для будаўнiцтва атамнай электрастанцыi. Была дадзена аб’ектыўная ацэнка прадстаўленых планаў, тэрмiнаў рэалiзацыi праекта, затрат на будаўнiцтва станцыi i неабходнай iнфраструктуры, а таксама ўзроўню бяспекi аб’екта.

Прэзiдэнту было даложана аб вынiках даследаванняў па ўсiх трох патэнцыяльных пляцоўках для будаўнiцтва АЭС. Матэрыялы гэтых даследаванняў атрымалi высокую ацэнку МАГАТЭ за сваю глыбiню i грунтоўнасць. На ўсiх трох пляцоўках няма нiякiх забараняльных фактараў. Але пры гэтым ёсць некаторыя абмежавальныя фактары, якiя канчаткова будуць прааналiзаваны пасля дадатковага даследавання.

З улiкам выкладзеных на нарадзе матэрыялаў кiраўнiк дзяржавы даручыў ураду на працягу 3—4 месяцаў правесцi канчатковую даразведку трох пляцовак пад будаўнiцтва станцыi. Такiм чынам, канчатковы выбар месца будаўнiцтва АЭС у Беларусi будзе зроблены не пазней за канец 2008 года. У адпаведнасцi са стандартамi МАГАТЭ, будзе вызначана два варыянты — асноўны i рэзервовы.

Прэс-служба Прэзiдэнта Рэспублiкi Беларусь.