Iнфарм-укол

Источник материала:

Пачаць падабацца сабе 

Часам даводзiцца чуць: "Кожная жанчына можа быць прыгожай". Пад цiскам пэўных стандартаў гэта "можа" паступова ператвараецца ў "павiнна". Iдэя аб тым, што цела можна змянiць, пераходзiць ва ўпэўненасць, што гэта неабходна.

Паводле слоў псiхолагаў, такая залежнасць жанчыны ад знешняй ацэнкi хаваецца ў далёкiм мiнулым, у яе першапачатковай залежнасцi ад мужчыны. Да бiялагiчнай паступова дадалася i сацыяльная.

Мужчына не да такой ступенi занепакоены сваiм целам, таму што "да яго паслуг" такiя сацыяльныя атрыбуты, як статус, кар’ера. Жанчына ж больш уражлiвая ва ўсiм, што датычыцца ацэнкi знешнасцi, iмкненне падабацца для яе звязана з перажываннем уласнай каштоўнасцi.

Адчуванне "я не такая" перажываецца як "цела не такое" і гэта нараджае жаданне змянiць цела. Ствараецца iлюзiя, што калi цела зменiцца, то i сама яна стане шчаслiвай, атрымае прызнанне. Але не заўсёды ў вынiку "змяненняў" (практыкаваннi, дыета, пластычная хiрургiя) удаецца пачаць падабацца сабе. А менавiта гэта ключ да таго, каб авалодаць гармонiяй у адносiнах з навакольнымi, у тым лiку з мужчынамi.

Уратавацца ад памылкi ўрача

У Еўропе i ЗША ад памылковага прызначэння лекаў у бальнiцах гiне не меней людзей, чым... у аўтакатастрофах.

Некаторыя бальнiцы ўжо зрабiлi разумныя высновы. Так, у клiнiцы Пiтсбургскага ўнiверсiтэта ёсць такая аб’ява: "Мы заклiкаем сваякоў пацыента i яго самога правяраць назвы ўсiх прэпаратаў, якiя яму прызначаюцца, i просiм паведамляць персаналу аб усiх выпадках памылковага прымянення прэпарата або яго непераноснасцi".

Гадамi медыкi спрабуюць пабудаваць такую сiстэму, у якой рызыка памылкi будзе зведзена да мiнiмуму, але кожны раз сутыкаюцца з вiдавочнай супярэчлiвасцю памiж тэорыяй i практыкай. Што i казаць, у бальнiцах па ўсiм свеце дапытлiвыя сваякi, якiя задаюць надта шмат пытанняў, раздражняюць урачоў, i тыя баяцца патрацiць на адказы лiшнi час (з улiкам таго, што iх чакаюць яшчэ пятнаццаць—дваццаць пацыентаў). I ўсё ж такi з ростам дэфiцыту часу i грошай у галiне аховы здароўя роля i адказнасць пацыента i яго родных будуць толькi ўзрастаць.

Вядучая рубрыкi Святлана БАРЫСЕНКА.