Абзац

Больш за 700 чалавек працуюць на лiквiдацыi наступстваў урагану ў Бярэзiнскiм раёне — энергетыкi, дарожнiкi, будаўнiкi, леснiкi з пяцi раёнаў Мiнскай вобласцi. У ноч на 15 лiпеня на раён абрушыўся шквалiсты вецер, хуткасць якога дасягала 18 метраў у секунду. Пацярпелi 381 жылы дом, 443 гаспадарчыя пабудовы ў прыватным сектары. Вялiкi ўрон нанесены таксама 60 вытворчым будынкам. На 13 фермах на канец наступнага дня адсутнiчала электрычнасць. Выведзена са строю 9 АТС, без тэлефоннай сувязi засталiся 43 населеныя пункты. Пашкоджана 50 км лiнiй электраперадач. Моцны вецер вывеў таксама са строю 222 трансфарматарныя падстанцыi ў Столiнскiм i Лунiнецкiм раёнах. Ад пападання маланкi ў гэтых раёнах зафiксаваныя 4 пажары.

На станцыi метро "Інстытут культуры" затрыманы мiнчанiн, у якога выяўлены гашыш i амфетамiн. Узбуджана крымiнальная справа.

У нядзелю, 13 лiпеня, у кiеўскiм раддоме адбылася ўнiкальная падзея — 57-гадовая жанчына нарадзiла хлопчыка. Галоўурач бальнiцы асабiста прымала роды, прайшлi яны паспяхова. Мама адчувае сябе выдатна, а яе сын Андрэй (вага 3900) абсалютна здаровы i моцны хлопчык. Жанчына спакойна, без ускладненняў i "захаванняў" данасiла дзiця, сама прыйшла ў канцы тыдня ў раддом. Самая старэйшая парадзiха Ўкраiны займаецца спортам, не п’е i не курыць. I ўсё ж урачы падкрэслiваюць, што роды ў такiм узросце — вялiкая рызыка.

У Вiсконсiне пiлот разбiў свой верталёт пасля ўкусу пчалы. Ён апырскваў з паветра плантацыю журавiн. Для апылення журавiн на плантацыi стаяла некалькi пчалiных вулляў, i адну пчалу зацягнула патокам паветра ў кабiну 65-гадовага пiлота. Насякомае ўджалiла яго, i на секунду згублены кантроль прывёў да таго, што хваставы вiнт машыны, якая знаходзiлася за паўтара метра ад зямлi, урэзаўся ў яе. У вынiку верталёт быў сур’ёзна пашкоджаны. Аднак пiлот выжыў.

Госцi на вяселлях у Тэль-Авiве могуць вельмi проста зрабiць дастойны падарунак жанiху i нявесце — там, дзе праходзяць гэтыя ўрачыстасцi, дадумалiся паставiць банкаматы. Дастаткова ўставiць крэдытную картку ў аўтамат i падарыць маладым грашовую суму ў электронным выглядзе. Гэта першыя падобныя машыны ў Iзраiлi i ў свеце. Гэта вельмi зручна, лiчаць арганiзатары паслугi, бо госць можа зрабiць падарунак нават тады, калi ён забыў дома чэкавую кнiжку. За новаўвядзенне, праўда, давядзецца заплацiць — арэнда аўтамата абыдзецца шлюбнiкам у 500 шэкеляў, але затое яны пазбаўленыя нуднай неабходнасцi падлiку грошай i доўгiх чэргаў да касы банкаў.

У Еўрасаюзе пачалi барацьбу з кур’ёзнымi нормамi i прадпiсаннямi, якiя еўрачыноўнiкi самi i ўстанавiлi. Аказалася, што ў Бруселi iснуюць нормы, якiя рэгулююць даўжыню агуркоў i прэзерватываў, крывiзну бананаў, акругласць яблыкаў. Эксперты мяркуюць, што чыноўнiкi праяўляюць празмерную актыўнасць у зусiм непрадукцыйных пытаннях i ствараюць у зоне ЕС атмасферу бюракратызацыi, якая адштурхоўвае многiх, у тым лiку i ў краiнах-удзельнiцах. Еўрачыноўнiкi дабралiся нават да iнтымнай сферы, прызнаўшы прэзерватыў медыцынскiм прыстасаваннем i распаўсюдзiўшы на яго строгiя правiлы: "Даўжыня павiнна складаць не менш за 160 мм, а шырыня не павiнна адрознiвацца ад намiнальнай больш чым на 2 мм".