«Калi не вяселле, то дуэт — дакладна будзе»

Источник материала:

Расiянка Алена Валеўская i беларус Вiталь Гардзей падзялiлi па-братэрску не толькi першую прэмiю ў памеры 6 тысяч долараў ЗША, але i сiмпатыi публiкi. "Вы добра глядзiцеся разам, — ухвалiў нехта. — А Вiталь ужо прапанаваў мне выйсцi за яго замуж! — рассмяялася Лена. — Жарт. А калi сур’ёзна, то мы прыгледзелiся адно да аднаго i дамовiлiся налета зрабiць дуэт".

— Ужо вядома, аб чым будзе сумесная песня? — спыталi мы ў Лены пасля цырымонii ўзнагароджання.

— Яшчэ не, ёсць толькi намёткi. Але дакладна магу сказаць, што яе аўтарам буду я — сама пiшу словы i музыку. Думаю, нават прывязём паказаць гэту кампазiцыю на наступны "Славянскi базар у Вiцебску".

— Я думаю, трэба дапрацаваць гэты альбом, зрабiць iншыя аранжыроўкi, дадаць некалькi новых песень — i перавыдаць яго з лепшай палiграфiяй i лепшай якасцю гуку.

— Кулон, якi блiшчыць на мне, — гэта мой галоўны талiсман, як сублiмацыя любовi i падтрымкi майго каханага чалавека. Дарэчы, практычна адначасова патэлефанавалi i павiншавалi з перамогай ён i мая мама. Але галоўнай перамогай для мяне быў цёплы прыём гледачоў — я ў шоку, праўда!

— Для мяне больш важна не грашовае ўзнагароджанне, а занятае першае месца i цудоўная статуэтка. Толькi цяпер, калi ў мяне аб гэтым пытаюцца, я ўзгадваю, што праўда, яшчэ ж грошай далi...

— У прынцыпе, задаволены. Але разам з мамай, разам з Iрынай Дарафеевай i яе прадзюсарам Юрыем Савашам яшчэ будзем абмяркоўваць конкурс, праглядзiм запiс майго выступлення. Я ведаю, дзе быў не вельмi ўпэўнены ў сабе — трэба прааналiзаваць памылкi.

— Ведаеш, гэта не маё. Я спявак iншага фармарту, у мяне такi голас i рэпертуар, што наўрад цi падыходзяць для гэтага конкурсу. Не хочацца рабiць тое, чаго я не ўмею рабiць добра i якасна, не хочацца падманваць гледачоў. Таму я буду проста спяваць песнi, толькi вось адпачну крыху...

— Наадварот. Пад Бабруйскам ёсць аздараўленчы дзiцячы летнiк, я там працую звычайна кожны год, i мяне заўжды чакаюць дзеткi — звычайна гэта iнтэрнатаўцы. На некалькi дзён абавязкова паеду туды, у лес, да свежага паветра i цiшынi...