Аляксандр Лукашэнка даручыў у максімальна сцiслыя тэрмiны лiквiдаваць усе наступствы ўрагану

Источник материала:

Прэзiдэнт Беларусi Аляксандр Лукашэнка даручыў у максiмальна сцiслыя тэрмiны лiквiдаваць усе наступствы ўрагану. Такую задачу ён паставiў у час справаздачы прэм’ер-мiнiстра краiны Сяргея Сiдорскага.

Прэзiдэнт звярнуў асаблiвую ўвагу ўрада на тое, што неабходна ў максiмальна сцiслыя тэрмiны аднавiць пацярпелыя ад разгулу стыхii жылыя дамы. На сёння ў аднаўленнi маюць патрэбу 254 пабудовы.

Значна пацярпелi ад урагану i лясныя масiвы — больш як 2 тыс.га, прычым на 1,5 тыс.га лесу патрабуюцца суцэльныя санiтарныя высечкi. Для прыбiрання лесу плануецца ў дапамогу МНС i Мiнiстэрству лясной гаспадаркi накiраваць дадатковыя рэзервы. Аляксандр Лукашэнка паставiў задачу на працягу 2-3 месяцаў прыбраць павалены лес, накiраваць дзелавую драўнiну на прадпрыемствы i перапрацаваць на другасную сыравiну.

Кiраўнiку дзяржавы таксама даложана аб праектах прагнозу сацыяльна-эканамiчнага развiцця краiны i бюджэту на 2009 год. Як паведамiў Сяргей Сiдорскi, урад падрыхтаваў ужо гэтыя дакументы. Так, тэмп росту валавога ўнутранага прадукту на будучы год павiнен скласцi не менш як 110—112 працэнтаў. У гэтым годзе ВУП чакаецца ў аб’ёме Br123 трлн. Прэзiдэнт чарговы раз падкрэслiў, што бюджэт павiнен мець сацыяльны характар. У новым бюджэце акцэнт будзе зроблены на развiццё аховы здароўя, сацыяльнай iнфраструктуры i сферы адукацыi. Расходы на гэтыя артыкулы бюджэту ў 2009 годзе будуць значна павялiчаны. Прычым асноўныя затраты плануюцца на медыцынскую тэхнiку i матэрыялы, высокатэхналагiчную вытворчасць па выпуску медтэхнiкi ў Беларусi, а таксама прадпрыемствы сацыяльнай сферы. Праектам бюджэту на канец 2009 года закладваецца сярэдняя заработная плата ў бюджэтнай сферы ў памеры $560. Прадугледжваецца таксама знiжэнне падатковай нагрузкi, дзякуючы якой у рэальным сектары эканомiкi застанецца Br2 трлн.

Прэзiдэнт праiнфармаваны аб ходзе ўборачнай кампанii. Пачалася ўборка збожжавых у Брэсцкай i Гомельскай абласцях. Як падкрэслiў Сяргей Сiдорскi, у гэтым годзе назiраецца добрая гатоўнасць гаспадарак, што дасць магчымасць выйсцi на вельмi высокiя аб’ёмы ўборкi ўраджаю збожжавых. Кiраўнiк дзяржавы паставiў задачу ў сцiслыя тэрмiны забяспечыць на месцах уборку ўраджаю пры максiмальным выкарыстаннi ўсёй сельгастэхнiкi.

Кiраўнiку дзяржавы даложана аб развiццi эканомiкi за першае паўгоддзе 2008 года. На думку прэм’ер-мiнiстра, стабiльная работа эканомiкi i напаўненне бюджэту даюць упэўненасць, што ў гэтым годзе ў параўнаннi з мiнулым будуць значна павялiчаны многiя паказчыкi. З пачатку года тэмп росту прамысловасцi ў рэспублiцы складае 113 працэнтаў. Добры тэмп дэманструюць высокатэхналагiчныя галiны краiны, асаблiва ў параўнаннi з суседнiмi краiнамi, дзе прырост прамысловай вытворчасцi складае 3-4 працэнты. Адзначаецца сур’ёзны рост iнвестыцый (больш як на 23 працэнты да ўзроўню аналагiчнага перыяду мiнулага года), а таксама ў жыллёвым будаўнiцтве, дзе пры намечаным на год уводзе 5,2—5,7 млн кв.м жылля ўжо ўведзена 2,7 млн кв.м.

Узровень рэнтабельнасцi ў бягучым годзе складзе больш за 17 працэнтаў. Гэта, паводле слоў Сяргея Сiдорскага, абумоўлена высокiм узроўнем выпускаемай прадукцыi, запатрабаванай у тым лiку i за межамi краiны. Тэмп росту экспарту ў гэтым годзе складае каля 160 працэнтаў. Прэзiдэнт чарговы раз звярнуў увагу, што ў рэспублiцы павiнны стварацца новыя прадпрыемствы i вытворчасцi па выпуску запатрабаваных на знешнiх рынках тавараў беларускiх вытворцаў.

Што датычыцца ўзроўню iнфляцыi ў краiне за паўгоддзе, то гэты паказчык выходзiць за запланаваныя параметры i складае 7,3 працэнта. Як адзначыў прэм’ер-мiнiстр, прычынай з’яўляецца ўплыў знешнiх сусветных фiнансавых фактараў. Ён запэўнiў, што ўрад прымае ўсе неабходныя меры, каб забяспечыць стабiльнасць беларускай эканомiкi i мiнiмiзаваць узровень iнфляцыi ў краiне.