Больш за ўсё ў чэрвені падаражэлi буракi, морква, цукар i рыс

Источник материала:

Больш за ўсё ў чэрвені падаражэлi буракi, морква, цукар i рыс Цэны на асноўныя харчовыя тавары за студзень—чэрвень выраслi на 7 працэнтаў, а ў адносiнах да мая яны павялiчылiся на 0,6 працэнта, паведамiлi БЕЛТА ў Мiнiстэрстве статыстыкi i аналiзу.   У параўнаннi з маем цэны на сметанковае масла i алей, сасiскi ўзраслi на 1,3—1,5 працэнта, каўбасу вараную вышэйшага гатунку, мясныя паўфабрыкаты з ялавiчыны, маянэз i пiва — на 1,8—2, ялавiчыну першай катэгорыi — на 2,6, крупы i бабовыя — на 3,6, у тым лiку на крупы прасяныя — на 4,1 працэнта. Упершыню пасля стабiльных цэнаў на працягу года падаражэў цукар — на 5,5 працэнта, а цэны на рыс павялiчылiся на 7,3 працэнта. Бульба падаражэла на 5,2 працэнта, цыбуля — на 17,5, морква — на 31,8 працэнта. Больш за ўсё з агароднiны выраслi ў цане буракi — у 1,8 раза. Цэны на салодкi перац знiзiлiся на 12,7 працэнта, свежыя памiдоры — на 13,2, зялёную цыбулю — на 14,5, свежую капусту — на 33,2, агуркi — на 41,7 працэнта. З садавiны больш за ўсё падаражэлi яблыкi — на 8,4 працэнта. Бананы сталi танней на 4,7 працэнта. Малако i малочныя прадукты падаражэлi ў сярэднiм на 1,6 працэнта, у тым лiку цвёрды сыр — на 0,6 працэнта. Хлеб i хлебабулачныя вырабы павялiчылiся ў цане на 1,4 працэнта, а мука i макарона падаражэлi на 1,9 працэнта.