Праз Інтэрпол вышукваюцца 93 беларусы

Источник материала:

Аб гэтым паведамiў учора журналiстам намеснiк начальнiка ўпраўлення прававога забеспячэння i мiжнародных сувязяў КДБ краiны Ўладзiмiр Твароўскi. Гэтыя дамоўленнасцi сёння дзейнiчаюць i цалкам выконваюцца, у першую чаргу беларускiм бокам.

Намеснiк начальнiка Нацыянальнага цэнтральнага бюро Iнтэрпола Беларусi Аляксандр Петран паведамiў, што па лiнii НЦБ Iнтэрпола ў Беларусi ў першым паўгоддзi сёлета было аб’яўлена ў мiжнародны вышук 93 злачынцы. Усяго па краiнах далёкага замежжа ў мiжнародным вышуку знаходзяцца 667 чалавек. Сёлета з дапамогай мiжнародных каналаў было выяўлена месцазнаходжанне 28 злачынцаў, якiя знiклi з тэрыторыi нашай краiны. За гэты час з краiн Еўрасаюза ў Беларусь было экстрадыравана 9 чалавек.

Паводле iнфармацыi начальнiка аддзела галоўнага ўпраўлення крымiнальнага вышуку МУС Беларусi Вiктара Юзэфовiча, за 6 месяцаў года на тэрыторыi краiн СНД затрымана 263 чалавекi, якiя абвiнавачваюцца крымiнальным вышукам нашай краiны. За гэты час з тэрыторыi краiн СНД у Беларусь было экстрадыравана 105 чалавек. Увогуле органамi ўнутраных спраў Беларусi сёлета вёўся вышук 946 грамадзян, што знiклi без вестак за межамi краiны. Цяпер па гэтым спiсе знiклых выяўлена месцазнаходжанне 192 чалавек.