Беларусь гатова прыняць на аздараўленне 2 тыс. асецінскiх дзяцей

Источник материала:

Беларусь адправiць гуманiтарны груз для пацярпелых грамадзян Паўднёвай Асецii, заявiў у Маскве прэм’ер-мiнiстр Беларусi Сяргей Сiдорскi на сустрэчы са старшынёй урада Расiйскай Федэрацыi Уладзiмiрам Пуцiным. Для падрыхтоўкi да адпраўкi грузу ў Беларусi створана камiсiя. Узгоднены пералiк неабходных прадуктаў харчавання, цёплых рэчаў, якiя будуць адпраўлены ў Паўднёвую Асецiю. Акрамя таго, адзначыў Сяргей Сiдорскi, Беларусь гатова прыняць на аздараўленне 2 тыс. асецiнскiх дзяцей. Кiраўнiк беларускага ўрада таксама паведамiў, што ад грамадзян Беларусi паступаюць добраахвотныя ахвяраваннi для насельнiцтва, якое пацярпела ў паўднёваасецiнскiм канфлiкце. На сустрэчы Сяргей Сiдорскi выказаў спачуваннi Уладзiмiру Пуцiну ў сувязi з гiбеллю людзей у Паўднёвай Асецii. "Мы гатовы зрабiць усё магчымае, каб грамадзяне Паўднёвай Асецii хутчэй вярнулiся да нармальнага жыцця", — сказаў беларускi прэм’ер.

Рознiца ў экспартна-iмпартных тарыфах Беларусi i Расii скарачаецца, паведамiў у Маскве старшыня ўрада Расii Уладзiмiр Пуцiн на сустрэчы з прэм’ер-мiнiстрам Беларусi Сяргеем Сiдорскiм. Расiйскi прэм’ер адзначыў, што тэндэнцыя "скарачэння рознiцы ў тарыфах на экспарт i iмпарт станоўча ўплывае на развiццё эканамiчных адносiнаў памiж дзвюма краiнамi". Уладзiмiр Пуцiн таксама паведамiў, што пытаннi эканамiчнага ўзаемадзеяння бакi маюць намер больш падрабязна разгледзець на сустрэчы ў канцы верасня — пачатку кастрычнiка гэтага года. Акрамя таго, прэм’ер-мiнiстр РФ расказаў аб маючай адбыцца сустрэчы ў Сочы прэзiдэнтаў Беларусi i Расii.

БЕЛТА.