Аляксандр Лукашэнка: "правядзенне Фестывалю хакея ў Беларусі — прызнанне сiстэмнай работы дзярж

Источник материала:

Прэзiдэнт Беларусi Аляксандр Лукашэнка адкрыў мiжнародны турнiр аматараў хакея, якi пройдзе ў Мiнску па 31 жнiўня ў рамках Фестывалю хакея, прысвечанага святкаванню 100-годдзя Мiжнароднай федэрацыi хакея i Года здароўя ў Беларусi.

У сваёй прамове на цырымонii адкрыцця Аляксандр Лукашэнка назваў сiмвалiчным тое, што Фестываль хакея i мiжнародны турнiр, прысвечаны гэтай знамянальнай падзеi, праводзяцца ў нашай краiне. "Лiчу гэта прызнаннем з боку сусветнай спартыўнай грамадскасцi намаганняў i сiстэмнай работы беларускай дзяржавы па развiццi спорту i фiзiчнай культуры", — сказаў ён. Прэзiдэнт перакананы, што беларускi глядач здольны па заслугах ацанiць майстэрства ўдзельнiкаў турнiру. А госцi змогуць пераканацца не толькi ў традыцыйнай гасцiннасцi i добразычлiвасцi нашага народа, але i ў тым, што ў Беларусi ад малога да вялiкага любяць спорт.

"Паняцце, што быць здаровым прэстыжна, актыўна i ўсвядомлена ўваходзiць у жыццё нашых людзей. У Беларусi ствараюцца адпаведныя ўмовы для гэтага. Інтэлектуальна, духоўна i фiзiчна дасканалая нацыя з’яўляецца галоўным багаццем краiны. Не выпадкова сённяшнi турнiр прымеркаваны таксама да Года здароўя ў Рэспублiцы Беларусь", — сказаў кiраўнiк дзяржавы. Ён нагадаў, што праводзiмы штогод у нашай краiне Калядны мiжнародны турнiр на прызы Прэзiдэнта Рэспублiкi Беларусь дзякуючы сваёй масавасцi i папулярнасцi атрымаў статус неафiцыйнага чэмпiянату свету сярод аматарскiх, ветэранскiх хакейных каманд. Iдэя правядзення гэтых унiкальных спаборнiцтваў знайшла водгук у сапраўдных аматараў хакея i прываблiвае ўсё больш прыхiльнiкаў.

Прэзiдэнт пажадаў усiм гледачам радасных эмоцый i добрага настрою, а ўдзельнiкам турнiру — азартнай i рэзультатыўнай гульнi.

Каманда Прэзiдэнта Беларусi з перамогi стартавала на мiжнародным аматарскiм турнiры па хакеi, якi праходзiць у Мiнску ў рамках Фестывалю хакея. У першым паядынку беларуская дружына ўзяла верх над зборнай Мiжнароднай федэрацыi хакея (IIHF) — 12:9.

Лепшым снайперам у складзе гаспадароў стаў былы форвард нацыянальнай зборнай Беларусi Андрэй Кавалёў, якi закiнуў тры шайбы. На рахунку кiраўнiка дзяржавы Аляксандра Лукашэнкi адзiн гол i тры рэзультатыўныя перадачы.

У складзе гасцей самым рэзультатыўным быў Каролiс Шлiкас, якi закiнуў тры шайбы i зрабiў два галявыя пасы, а лепшым iграком у камандзе IIHF прызнаны Вiтаўтас Шлiкас. У камандзе Прэзiдэнта Беларусi лепшым названы яе капiтан Андрэй Асташэвiч. Прызы лаўрэатам уручыў вядомы савецкi i расiйскi трэнер Уладзiмiр Юрзiнаў-старэйшы.

Характэрна, што вароты дружыны Мiжнароднай федэрацыi хакея, сфармiраванай на аснове работнiкаў нацыянальных федэрацый Германii, Швецыi, Славенii, Лiтвы, Кiтая, Эстонii i Беларусi, абараняў вядомы амерыканскi рэжысёр Бобi Фарэлi, якi зняў такiя галiвудскiя хiты, як "Усе ў захапленнi ад Мэры", "Тупы i яшчэ тупейшы", "Дзяўчына маiх кашмараў". А ў нападзеннi зборнай IIHF гуляў галоўны трэнер мiнскага "Дынама" паўночнаамерыканец Джым Х’юз.

Каманда Прэзiдэнта гуляла амаль у аптымальным складзе. Яе колеры абаранялi нядаўнiя хакеiсты нацыянальнай зборнай Беларусi Уладзiмiр Цыплакоў, Андрэй Кавалёў, Алег Раманаў, Алег Хмыль, Аляксандр Андрыеўскi, Вадзiм Бекбулатаў, а таксама настаўнiк мiнс-кага "Юнацтва" Мiхаiл Захараў.

У паядынку групы "В" каманда Аўстрыi ўзяла верх над Латвiяй — 7:5, а Германiя i Славенiя згулялi ўнiчыю — 6:6.

Вечарам каманда Прэзiдэнта Беларусi ў мiнскiм Палацы спорту сустракалася са зборнай Расii.

Арганiзатарамi Фестывалю хакея выступiлi Мiнiстэрства спорту i турызму Рэспублiкi Беларусь, Мiнскi, Бабруйскi i Жлобiнскi гарадскiя выканаўчыя камiтэты, Федэрацыя хакея Беларусi i рэспублiканскае дзяржаўна-грамадскае аб’яднанне "Прэзiдэнцкi спартыўны клуб".

Паводле паведамленняў прэс-службы Прэзiдэнта Рэспублiкi Беларусь i БЕЛТА.