Першы раз у новы садок

Источник материала:

Для многiх жыхароў брэсцкага мiкрараёна "Вулька" сёлетняе 1 верасня стала сапраўдным святам. У гэты дзень урачыста адкрылi дзiцячы садок — першую дашкольную ўстанову ў мiкрараёне.

Крыху пазайздросцiлi бацькi старэйшых дзяцей бацькам навасёлаў: першым давялося вазiць сваiх сыноў i дочак штодня ў iншыя раёны горада. А цяпер па вулiцы Сяброўскай пабудавалi сучасны прыгожы зручны дзiцячы комплекс, якi з нечай лёгкай рукi назвалi "палацам дзяцiнства". Сапраўды ў новым садку ёсць усё для заняткаў, адпачынку, гульняў, развiцця маленькiх наведвальнiкаў.

Пабудавалi новую дашкольную ўстанову рабочыя i iнжынеры будаўнiчага трэста № 8. Яго генеральны дырэктар Мiхаiл Водчыц другi раз на тыдзень быў героем дня, некалькi дзён таму ўручаў сiмвалiчны ключ галоўнаму ўрачу раддома, а цяпер вось — загадчыцы дзiцяга садка Вользе Палхоўскай. Мiхаiл Васiльевiч адзначыў, што вельмi прыемна здаваць такiя аб’екты, якiя з’яўляюцца сведчаннем стабiльнасцi жыцця ў дзяржаве, прыярытэту сацыяльнай палiтыкi. Тым больш, што новыя дзiцячыя садкi, паводле яго слоў, не ўзводзiлiся ў абласным цэнтры з 1991 года. Будаўнiцтва ясляў-садка № 72 было распачата ў снежнi 2006 года. На ўсю работу спатрэбiлася шэсць з паловай мiльярдаў рублёў. І вось каля 260 выхаванцаў з пачатку новага навучальнага года прыйшлi ў новыя ўтульныя пакоi i залы. Групы ўжо сфармiраваныя, i юныя гаспадары паспелi падрыхтаваць святочную праграму для гасцей: яны хораша спявалi i танцавалi.

З гэтай падзеяй дзяцей, бацькоў, педагогаў прыехаў павiншаваць старшыня аблвыканкама Канстанцiн Сумар. Звяртаючыся да дарослых, кiраўнiк вобласцi сказаў, што будаўнiцтва такiх аб’ектаў — гэта iнвестыцыi дзяржавы ў будучае, клопат пра тых, хто прыйдзе на змену цяперашнiм актыўным пакаленням. А маленькiм вiноўнiкам урачыстасцi губернатар пажадаў, каб яны вучылiся дружыць, падтрымлiваць адно аднаго, раслi добрымi грамадзянамi i былi радасцю для сваiх бацькоў.