Навошта дзецям каўбаса? І гарачая вада ў прыбiральнях?

26.08.2009 10:29 — |

Размер текста:: A; A; A

Источник материала:

Навошта дзецям каўбаса? І гарачая вада ў прыбiральнях?
Сітуацыя

Арганiзацыя харчавання дзяцей у дашкольных установах Лёзненскага раёна знаходзiцца на нездавальняючым узроўнi i не адпавядае зацверджаным нормам.
Арганiзацыя харчавання дзяцей у дашкольных установах Лёзненскага раёна знаходзiцца на нездавальняючым узроўнi i не адпавядае зацверджаным нормам.

Разлiкi паказваюць, што ўстаноўленыя грашовыя нормы расходаў на харчаванне толькi на палову забяспечваюць кошт набору прадуктаў па iснуючых цэнах. Пры гэтым вызначаная аптовая надбаўка — 20 працэнтаў — на кошт прадуктаў перавышалася. Такiя высновы зрабiлi супрацоўнiкi Камiтэта дзяржаўнага кантролю Вiцебскай вобласцi.

Пры праверцы высветлiлася, што выхаванцы ясляў—садка ў аграгарадку Крынкi, напрыклад, у лiпенi атрымалi толькi 8 працэнтаў ад нормы садавiны, палову — сметанковага масла i iнш. Каўбасныя вырабы ў рацыён наогул не ўключалiся! Падобнае становiшча назiраецца i ў iншых аналагiчных установах раёна.

У тым жа крынкаўскiм садку кантралёры ўбачылi кубкi фарфоравыя з адбiтымi краямi, ручкамi i трэшчынамi. Пры гэтым у складскiм памяшканнi чамусьцi захоўваўся новы посуд ды ў неабходнай колькасцi. Да прыбiральняў усiх груп i медыцынскага блока ўстановы не падведзена гарачая вада. Пасцельная бялiзна захоўвалася ў падсобным памяшканнi разам з фарбай.

У лёзненскiм яслях-садку № 2 "Пралеска" ў падсобным памяшканнi харчаблока падчас вiзiту кантралёраў у кутах была павуцiна, плiтка падлогi пакрыта "шлейфам" бруду...

Па вынiках праверак устаноў дашкольнай адукацыi раёна аштрафавалi пяць чалавек.