Свята ў завоссі

Источник материала:

"Ёсць у мяне зямля, край светлых мрояў..."

Завоссе сустрэла гасцей дажджом i холадам i гэта паўплывала на ўсю ўрачыстасць. I тым не меней людзей прыехала шмат — аўтобусы i легкавушкi ўздоўж дарогi расцягнулiся на сотнi метраў.

Сядзiбныя будынкi наноў перакрылi, а экспазiцыя папоўнiлася новымi экспанатамi: гаспадары да свята падрыхтавалiся грунтоўна.

Перад прысутнымi выступiлi прадстаўнiкi мясцовай улады, Саюза пiсьменнiкаў Беларусi, Мiнiстэрства культуры... Гучалi вершы Адама Мiцкевiча на польскай, беларускай, лiтоўскай i рускай мовах, а яшчэ сярод прысутных можна было ўбачыць удзельнiкаў свята ў старадаўнiх шляхецкiх строях...

Уздоўж алеi расклалi свае вырабы народныя майстры, а паводдаль паставiла палаткi мясцовая спажыўкааперацыя — у гэтым плане ўсё было як на мерапрыемствах, дзе збiраецца народ адпачыць i павесялiцца.

Калi б стаяла сонечнае надвор’е, то песнi i танцы ўспрымалiся б зусiм iнакш, чым пад дажджом i ветрам, а гэта падказала, што ў Завоссi неабходна мець хоць нейкi летнi павiльён цi навес, дзе маглi б сабрацца людзi ў непагадзь.

— I хоць надвор’е сёння не спрыяе святу — нас сабраў i аб’яднаў Адам Мiцкевiч, — сказаў у сваёй прамове генеральны консул Польшчы ў Брэсце Яраслаў Ксёнжык.

Хацелася б, каб свята паэзii ў Завоссi праводзiлася не толькi на юбiлеi, але i штогод.

...Пабылi ў Завоссi, а затым зазiрнулi ў Крошын да Паўлюка Багрыма.

За савецкiм часам, калi, здавалася б, iдэалагiчны цiск быў сур’ёзны, Днi паэзii ў Крошыне праводзiлiся рэгулярна, а сёння што нашым творцам перашкаджае сабрацца? Прыйшоў у Завоссе новы дырэктар i жыццё там ускалыхнулася.

Будзем спадзявацца, што сёлетняе свята паэзii на радзiме Адама Мiцкевiча — толькi пачатак.