Дзецям да 3—5 гадоў выдаляць мiндалiны не рэкамендуецца

Источник материала:

Ён патлумачыў, што выдаленне мiндалiн праводзiцца строга па паказаннях пры дэкампенсаванай форме танзiлiту. Ад кампенсаванай яна адрознiваецца тым, што акрамя мясцовых прымет — пробак, пачырванення мiндалiн, павялiчаных лiмфавузлоў — у хворага высокая тэмпература, прысутнiчаюць прыметы iнтаксiкацыi арганiзма. Прычым ангiны пры дэкампенсаванай форме здараюцца часта i даюць ускладненнi на сэрца, ныркi або лёгкiя.

"Але ў маленькiх дзяцей практычна не сустракаецца такой формы, пры якой аперыраваць трэба тэрмiнова. Паспешлiвае хiрургiчнае ўмяшанне для зручнасцi малога можа толькi нашкодзiць яму. Калi час яшчэ ёсць, лепш даць дзiцяцi падрасцi", — лiчыць Дзмiтрый Затока. Тым больш што мiндалiны адыгрываюць не апошнюю ролю ў iмуннай абароне арганiзма: уся лiмфатычная тканка створана для барацьбы з мiкробамi, якiя паступаюць з навакольнага асяроддзя, таму для дзiцяцi вельмi важная наяўнасць усiх лiмфоiдных органаў, у тым лiку i мiндалiн.

Паводле слоў медыка, дзецям часцей за выдаленне мiндалiн праводзяць танзiлатамiю, або iх падразанне, але практыкуюць гэты метад пры рэзкiм павелiчэннi мiндалiн. Гэта значыць танзiлатамiя — гэта не той метад, якi дапаможа маленькаму пацыенту забыцца на танзiлiт. Падразанне праводзiцца пры гiпертрафii мiндалiн, калi папросту яны перашкаджаюць чалавеку дыхаць.

Галоўны пазаштатны отарыналарынголаг Мiнiстэрства аховы здароўя Людмiла Макарына-Кiбак расказала, што выдаленне мiндалiн — нескладанае хiрургiчнае ўмяшанне, выконваецца ў большасцi выпадкаў пад агульным наркозам, дзецям — толькi пад агульным наркозам. "Каб пазбегнуць цяжкiх ускладненняў, мiндалiны лепш выдалiць як даросламу, так i дзiцяцi, але толькi пры ўсiм наборы строгiх паказанняў", — адзначыла Людмiла Макарына—Кiбак. Часта гавораць, што з часам дзiця "перарастае" хваробу: хварэў на ангiны часта i раптам паправiўся. Але ўрач назвала гэта зацiшша ўяўнай удачай. Арганiзм у нейкi момант проста перастае рэагаваць на ўзбуджальнiка хваробы, але з часам якi-небудзь унутраны орган можа прасiгналiзаваць пра наступствы працэсаў у арганiзме.