Прыдумваюць, але не ўкараняюць

Источник материала:

Вось вельмi паказальны наступны прыклад. Вiцебскай дзяржаўнай ордэна "Знак пашаны" Акадэмii ветэрынарнай медыцыны трэба было распрацаваць лекi для лячэння эндаметрыту ў кароў i арганiзаваць вытворчасць на базе Інстытута тэхнiчнай акустыкi Нацыянальнай акадэмii навук Беларусi. Бюджэтныя сродкi праекта — больш за 130 мiльёнаў рублёў.

Кантралёры ўстанавiлi, што гэтыя вялiкiя грошы патрачаны не- эфектыўна, бо вытворчасць прэпарата так i не наладжана.

Як высветлiлася, вытворчасць немагчыма наладзiць на базе Iнстытута акустыкi, бо там адсутнiчаюць памяшканнi, якiя адпавядаюць патрабаванням санiтарных нормаў.

Камiсiяй па ветэрынарных прэпаратах Беларускага дзяржаўнага ветэрынарнага цэнтра рэкамендавана ветэрынарнай акадэмii разгледзець пытанне аб перадачы для рэгiстрацыi навукова-тэхнiчнай дакументацыi на ветэрынарны прэпарат "Эрыметрын" для наступнай яе вытворчасцi на прадпрыемства "Вiцебская бiяфабрыка".

Тэхнiчныя ўмовы на прэпарат ва ўстаноўленыя тэрмiны не былi ўзгоднены з Беларускiм дзяржаўным ветэрынарным цэнтрам, так як прэпарат, выраблены ў вераснi мiнулага года, не вытрымаў выпрабаванняў...

Толькi ў ходзе праверкi дакументацыя на прэпарат была разгледжана на спецыяльным савеце пры галоўным упраўленнi ветэрынарыi Мiнiстэрства сельскай гаспадаркi i харчавання, i прэпарат рэкамендаваны для рэгiстрацыi. Да гэтага ён не вырабляўся. Разам з тым акт прыёмкi навуковых даследчых работ па гэтым заданнi падпiсаны прыёмачнай камiсiяй пад старшынствам першага намеснiка старшынi аблсельгасхарчу i зацверджаны напрыканцы мiнулага года першым намеснiкам старшынi Вiцебскага аблвыканкама, згодна з якiм заданне выканана ў поўным аб’ёме ў адпаведнасцi з тэхнiчным заданнем. Хворым каровам, на жаль, ад гэтых паперак не лягчэй.

Матэрыялы праверкi разгледжаны на калегii Камiтэта дзяржкантролю. Кiраўнiкам правераных устаноў указалi на тое, што яшчэ ёсць час укаранiць навуковыя распрацоўкi ў вытворчасць, што дазволiць гаварыць пра эфектыўнасць...