Чакаем канчатковага вердыкту

Источник материала:

За два туры да фiнiшу вызначылiся два з трох няўдачнiкаў чэмпiянату Беларусi па футболе сярод камандаў вышэйшай лiгi — гэта мiнскi "Лакаматыў", якi дэбютаваў у гэтым сезоне, i ждановiцкая "Дарыда", якая выступала сярод наймацнейшых з 2003 года. Незалежна ад вынiку сустрэч, якiя засталiся, яны не змогуць падняцца вышэй за 14-е месца. Магiлёўскi "Савiт", якi займае 15-ю пазiцыю, тэарэтычна можа пакiнуць зону вылету, паколькi мае гульню ў запасе. Каб застацца ў дывiзiёне наймацнейшых, камандзе трэба выйграць усе тры паядынкi (супраць брэсцкага "Дынама", БАТЭ i мiнскага "Дынама") i спадзявацца на паражэнне адной з трох камандаў, якiя стаяць вышэй — "Нёману", "Тарпеда" цi "Гомеля".

Салiгорскi "Шахцёр" зможа ўмяшацца ў медальную спрэчку тройкi лiдараў — БАТЭ, мiнскiх "Дынама" i МТЗ-РІПА — толькi ў выпадку перамог у апошнiх турах i дзвюх няўдач МТЗ-РIПА. Вось вынiкi матчаў, якiя прайшлi 25 кастрычнiка: "Смаргонь" — "Дарыда" (Ждановiчы) — 3:1; "Гомель" — "Лакаматыў" (Мiнск) — 1:0; "Шахцёр" (Салiгорск) — "Дынама" (Мiнск) — 0:1; "Савiт" (Магiлёў) — МТЗ-РIПА (Мiнск) — 1:2; "Нёман" (Гродна) — "Днепр" (Магiлёў) — 2:1; "Нафтан" (Наваполацк) — "Вiцебск" — 0:0; "Гранiт" (Мiкашэвiчы) — "Тарпеда" (Жодзiна) — 0:0; "Дынама" (Брэст) — БАТЭ (Барысаў) — 0:1. Становiшча камандаў: БАТЭ — 60 ачкоў, "Дынама" (Мiнск) — 56, МТЗ-РIПА — 54, "Шахцёр" — 48, "Вiцебск" — 47, "Дынама" (Брэст) — 44, "Нафтан" — 42, "Днепр" — 38, "Смаргонь" — 33, "Гранiт" — 32, "Гомель" — 30, "Тарпеда" — 30, "Нёман" — 29, "Лакаматыў" — 22, "Савiт" — 21, "Дарыда" — 19.

У чарговым туры Адкрытага чэмпiянату Беларусi па хакеi 26 кастрычнiка гаспадары атрымалi 5 перамог у шасцi матчах. Адзiнага поспеху госцi дасягнулi ў матчы аўтсайдара i лiдара — "Брэста" i мiнскага "Юнацтва". Каманда Мiхаiла Захарава выйграла з лiкам 3:0. Астатнiя вынiкi: "Нёман" (Гродна) — "Хiмвалакно" (Магiлёў) — 6:1, "Хiмiк-СКА (Наваполацк) — "Рыга-2000" — 6:4, "Керамiн" (Мiнск) — "Металургс" (Лiепая) — 5:3, "Шыннiк" (Бабруйск) — "Агрэ" — 3:1, "Вiцебск" — "Латгале" (Даўгаўпiлс) — 4:3. Становiшча камандаў: "Юнацтва" (Мiнск) — 46 ачкоў, 18 матчаў, "Гомель" — 41 (18), "Металург" — 39 (18), "Хiмвалакно" (Магiлёў) — 35 (18), "Вiцебск" — 32 (19), "Металургс" — 31 (18), "Керамiн" — 30 (18), "Хiмiк-СКА" — 28 (19), "Нёман" — 24 (19), "Шыннiк" — 21 (16), "Рыга-2000" — 19 (19), "Агрэ" — 13 (18), "Латгале" — 13 (19), "Брэст" — 12 (19). Чарговыя матчы пройдуць 28—30 кастрычнiка.

На пасяджэннi Выканкама Асацыяцыi "Беларуская федэрацыя футбола", якое адбылося ў Магiлёве, былi абраныя новыя кiраўнiкi Судзейскага камiтэта АБФФ. Старшынёй стаў член выканкама АБФФ Сяргей Вагаршакавiч Сафар’ян, а намеснiкам Вiктар Iосiфавiч Шукан. Нагадаем, што пасля скандалу з арбiтрам Сяргеем Шмолiкам, якi выйшаў на поле ў стане алкагольнага ап’янення, папярэднiя кiраўнiкi Судзейскага камiтэта, Алег Чыкун i Юрый Дупанаў, у лiпенi былi адпраўлены ў адстаўку.

Беларускi малатабоец Вадзiм Дзевятоўскi заявiў у iнтэрв’ю Белтэлерадыёкампанii, што ён i яго таварыш па камандзе Iван Цiхан маюць у распараджэннi факты, якiя даказваюць iх невiнаватасць у сувязi з абвiнавачваннямi ў прымяненнi допiнгу. Iм быў дадзены тэрмiн да 17 кастрычнiка прадставiць у Мiжнародны алiмпiйскi камiтэт дадатковую iнфармацыю. Такiя звесткi былi сабраныя i накiраваныя ў МАК.