Беларусь лічыць перспектыўным супрацоўнiцтва з Нiкарагуа

Источник материала:

Актывiзацыя адносiнаў Беларусi i Нiкарагуа дасць магчымасць пашырыць гандлёва-эканамiчнае супрацоўнiцтва з краiнамi Цэнтральнай i Лацiнскай Амерыкi. Аб гэтым заявiў 30 кастрычнiка Прэзiдэнт Беларусi Аляксандр Лукашэнка на сустрэчы з мiнiстрам замежных спраў Нiкарагуа Самуэлем Сантасам Лопесам.

"Мы адкрываем новую старонку ў гiсторыi развiцця адносiнаў не толькi з Нiкарагуа, але i з Цэнтральнай Амерыкай у цэлым. З пункту погляду развiцця гандлёва-эканамiчных сувязяў, нам важна мець пункты апоры ў гэтай частцы Амерыкi для таго, каб супрацоўнiчаць не толькi з вашай краiнай, але i праз вас з суседнiмi рэгiёнамi", — падкрэслiў Аляксандр Лукашэнка.

Кiраўнiк дзяржавы падкрэслiў, што Беларусь сур’ёзна разглядае магчымасцi супрацоўнiцтва па ўсiм спектры адносiнаў з Нiкарагуа. "Важна, што ў нас з’яўляецца шмат сяброў у Амерыцы, гэта дасць станоўчы вынiк з пункту гледжання эканомiкi", — сказаў ён.

Прэзiдэнт не выключыў таксама, што могуць быць створаны сумесныя праекты з удзелам Беларусi, Венесуэлы, Кубы, Нiкарагуа, iншых зацiкаўленых дзяржаў. "У нас шмат напрамкаў для супрацоўнiцтва...", — адзначыў ён.

Аляксандр Лукашэнка запрасiў Прэзiдэнта Нiкарагуа Данiэля Артэгу наведаць Беларусь. На яго думку, абмен вiзiтамi на вышэйшым узроўнi дапаможа вызначыць асноўныя напрамкi двухбаковага супрацоўнiцтва.