Калі месца насамрэч хапае...

Источник материала:

У адпаведнасцi з дзеючым заканадаўствам, на зямельным участку, якi знаходзiцца ў прыватнай уласнасцi, можа быць пабудаваны яшчэ адзiн iндывiдуальны жылы дом, калi гэты ўчастак можа быць падзелены на два самастойныя, якiя захаваюць мэтавае прызначэнне (будаўнiцтва i абслугоўванне жылога дома) i пры гэтым не будуць парушацца процiпажарныя, санiтарныя, экалагiчныя, будаўнiчыя i iншыя нормы i правiлы.

Парадак дзялення (падзелу) зямельных участкаў, якiя знаходзяцца ва ўласнасцi, вызначаны Iнструкцыяй, зацверджанай пастановай Камiтэта па зямельных рэсурсах, геадэзii i картаграфii пры Савеце Мiнiстраў Рэспублiкi Беларусь ад 2 сакавiка 2004 г. № 6.

Такiм чынам, пасля падзелу зямельнага ўчастка на два самастойныя, свабодны ад забудовы зямельны ўчастак можа быць падораны бацькамi сваiм дзецям для ажыццяўлення ва ўстаноўленым парадку будаўнiцтва iндывiдуальнага жылога дома. Здзелкi па адчужэннi зямельных участкаў, якiя знаходзяцца ў прыватнай уласнасцi, ажыццяўляюцца ў пiсьмовай форме, натарыяльна сведчацца i рэгiструюцца спецыяльна ўпаўнаважаным дзяржаўным органам па зямельных рэсурсах i землеўпарадкаваннi па месцы знаходжання зямельных участкаў.

Неабходна таксама адзначыць, што ў адпаведнасцi з Указам Прэзiдэнта Рэспублiкi Беларусь ад 7 лютага 2006 г. № 87 "Аб некаторых мерах па скарачэннi незавершаных будаўнiцтвам незакансерваваных жылых дамоў, дач" будаўнiцтва капiтальных збудаванняў у выглядзе жылога дома на зямельным участку, якi прадастаўлены ва ўстаноўленым парадку пасля ўступлення ў сiлу Указа (з 1 красавiка 2006 г.) павiнна быць завершана грамадзянiнам на працягу трох гадоў з даты атрымання дазволу на будаўнiцтва, выдадзенага мясцовым выканаўчым i распарадчым органам, але не пазней чым праз 3,5 года з даты атрымання дакумента, якi сведчыць дзяржаўную рэгiстрацыю права прыватнай уласнасцi на такi зямельны ўчастак.