Час плаціць за нерухомасць

Источник материала:

Па маёмасных падатках неабходна разлiчыцца да 15 лiстапада

— Па вынiках праведзенага ўлiку сёлета ў нашай краiне 2 мiльёны 377 тысяч 917 плацельшчыкаў зямельнага падатку i 2 мiльёны 265 тысяч 234 плацельшчыкi падатку на нерухомасць. У параўнаннi з мiнулым годам колькасць плацельшчыкаў зямельнага падатку павялiчылася амаль на 23 тысячы чалавек i на 41 тысячу чалавек стала плацiць больш падатак на нерухомасць. Гэта сведчыць аб павелiчэннi колькасцi карыстальнiкаў зямельнымi ўчасткамi i прыватных уладальнiкаў жыллёвых i камерцыйных пабудоў.

— Агульны аб’ём падлiчаных маёмасных падаткаў па краiне складае больш за 110 млрд рублёў. Разам з тым за кошт таго, што iстотная частка насельнiцтва мае льготы па маёмасных адлiчэннях, ад гэтай сумы прад’яўлена да аплаты маёмасных падаткаў у аб’ёме каля 54 млрд рублёў. Сярэдняя сума прад’яўленага падатку на нерухомасць на аднаго плацельшчыка склала 31 тысячу, а зямельнага падатку — 16 тысяч рублёў.

— Так. Згодна з законам "Аб падатку на нерухомасць", ад падаткаабкладання вызваляецца толькi адно жылое памяшканне (кватэра, пакой) у шматкватэрных дамах. Сёлета на ўлiку падатковых органаў знаходзiцца 31 тысяча 83 фiзiчныя асобы, якiя маюць ва ўласнасцi два i больш жылых памяшканняў у шматкватэрных дамах. Менавiта гэта катэгорыя грамадзян плацiць падатак на нерухомасць. Сярэдняя сума падатку на нерухомасць для iх складае сёлета каля 37 тысяч рублёў у год. Iнспекцыi налiчваюць гэтыя падаткi па звестках Нацыянальнага кадастравага агенцтва Беларусi, дзе зафiксаваны ўласнiкi аб’ектаў нерухомасцi i плошчы займаемых зямельных участкаў.

— Плата маёмасных падаткаў насельнiцтвам ажыццяўляецца толькi на падставе падатковых паведамленняў, якiя дасылаюцца плацельшчыкам падатковымi службамi. Фiзiчная асоба не падлiчвае падаткi самастойна. У паведамленнi дакладна распiсваецца: хто павiнен плацiць, колькi i ў якiя тэрмiны. Там паказваецца плошча зямельнага ўчастка, стаўка i сума падатку. Па лiнii падаткаў на нерухомасць паказваецца ацэначны кошт аб’екта (жылы дом, дача, садовы домiк, iншыя пабудовы), стаўка падатку i яго канчатковы памер.

Заплацiць падаткi можна ў банках, у падатковых органах, у сельскiх распарадчых i выканаўчых органах цi па пошце. Тэрмiн выплаты маёмасных падаткаў — не пазней за 15 лiстапада кожнага года.

— За кожны дзень пратэрмiноўкi налiчваецца пеня, якая не вельмi вялiкая. За нявыплату цi няпоўную плату падаткаў фiзiчнай асобай прадугледжаны штраф у памеры 15 працэнтаў ад сумы нявыплачаных падаткаў, але не менш за адну базавую велiчыню. Калi чалавек наўмысна не плацiць, то штраф павялiчваецца да 20 працэнтаў, але не менш як 5 базавых велiчынь.

— Так. З пачатку лiпеня 2008 года пачаў дзейнiчаць Указ Прэзiдэнта Беларусi № 365 "Аб плацяжах за зямлю ў г. Мiнску". Згодна з гэтым дакументам, пачынаючы з лiпеня зямельны падатак падлiчваецца зыходзячы з кадастравага кошту зямельнага ўчастка. Цяпер уся тэрыторыя Мiнска падзелена на 283 ацэначныя зоны. Згодна з гэтымi зонамi, зямельны падатак дарагога ўчастка ў прэстыжным раёне iстотна павялiчыцца ў параўнаннi з пакуль не вельмi лiквiднымi тэрыторыямi. На наш погляд, цяпер пачаў дзейнiчаць больш справядлiвы механiзм падаткаабкладання. Напрыклад, кошт квадратнага метра зямлi ў цэнтры горада будзе iстотна большым, чым у пасёлку Сокал Кастрычнiцкага раёна сталiцы. Кадастравы кошт зямельнага "квадрата" ў прыватным сектары гэтага пасёлка складае каля 24 тысяч рублёў, а самы высокi кошт квадратнага метра прысядзiбнага ўчастка сталiцы складае каля 324 тысяч рублёў. Згодна з указам, стаўка зямельнага падатку складае 0,05 працэнта ад кадастравага кошту зямельнага ўчастка. Акрамя гэтага, рашэннем Мiнскага Савета дэпутатаў "Аб бюджэце на 2008 год" выкарыстоўваюцца павышальныя каэфiцыенты да ставак зямельнага падатку розных катэгорый плацельшчыкаў.

— Ад выплаты маёмасных падаткаў вызваляюцца пенсiянеры па ўзросце, iнвалiды I i II груп, шматдзетныя сем’i, вайскоўцы тэрмiновай службы. Разам з тым трэба адзначыць, што заканадаўства не можа прадугледзець усiх магчымых складаных жыццёвых сiтуацый падаткаплацельшчыкаў. Менавiта таму законам аб бюджэце прадастаўляецца права органам улады вызваляць пэўныя катэгорыi грамадзян ад выплаты падаткаў. Для гэтага фiзiчная асоба павiнна звярнуцца з пiсьмовай заявай да мясцовых органаў улады. Вызваленне ад выплаты маёмасных падаткаў можа быць поўным цi частковым.