Главная
Гороскопы
І тысячарублёўка ўжо фальшывіць...
І тысячарублёўка ўжо фальшывіць...
Пры падлiку выручкi сельскага Дома культуры Кармянскага раёна падазрэнне выклiкала купюра вартасцю ў адну тысячу рублёў, пасля чаго пачалiся аператыўна-вышуковыя мерапрыемствы мясцовай мiлiцыi. Выявiлася, што купюру на прынтары вырабiў 20-гадовы хлопец, якi вырашыў праверыць якасць друку. З той мэтай, каб у далейшым пачаць штампаваць iх, калi ўсё сыдзе, як гаворыцца, з рук. Гэта ж, маўляў, не "пяцiдзесяцiрублёўкi" цi "сотнi", да якiх пiльнасць праяўляюць. Зламыснiк перадаў тую купюру свайму маладзейшаму сябру i той, ведаючы аб падробцы, пашыбаваў у клуб. Танцы ў яго закончылiся паспяхова, а вось зараз хлопцы "ў тэмпе лявонiхi" круцяць мазгамi, каб пазбегнуць пакарання за свае неабдуманыя дзеяннi. Уладзiмiр ПЕРНIКАЎ. НАЕХАЎ, АЛЕ... Вадзiцель, жыхар в. Зорнае, што пад Баранавiчамi, заявiў у мiлiцыю, што на краi дарогi ён знайшоў мужчыну з цяжкiмi цялеснымi пашкоджаннямi.Пазней пацярпелы памёр у рэанiмацыйным аддзяленнi. Судова-медыцынская экспертыза ўстанавiла — мужчына загiнуў пад коламi аўтамашыны. Высветлiлася, што наезд зрабiў на а/м "Фольксваген-Транспарцёр" вадзiцель, якi заявiў у мiлiцыю. Сымон Свiстуновiч. Маці з сынам выпіла...Брыгада хуткай меддапамогi ў кватэры па вул. Пiянерскай у Брэсце выявiла мёртвага, якi загiнуў ад удару нажом у жывот. Пазней высветлiлася, што мацi з сынам напачатку выпiвалi, а затым пасварылiся. Жанчына схапiла кухонны нож i нанесла ўдар 24-гадоваму сыну. Сымон Свiстуновiч. "Фальшыўкі" ад "валютчыка"За мiнулыя выхадныя ў "валютчыкаў" праваахоўнiкамi было канфiскавана 18 тысяч долараў ЗША, 750 еўра, 11 тысяч расiйскiх рублёў i 40 мiльёнаў беларускiх рублёў. Паводле звестак упраўлення iнфармацыi i грамадскiх сувязяў МУС, павучальная гiсторыя для грамадзян, якiя адважаюцца мець справу з "валютчыкамi", адбылася ў Магiлёве. Мясцовы жыхар у нядзелю ў абменным пункце аднаго з банкаў горада спрабаваў абмяняць100-доларавую банкноту. Аднак мужчыну тут чакаў непрыемны сюрпрыз: грошы аказалiся фальшывымi. Як высветлiлася, магiляўчанiн не так даўно вярнуўся з Расii, дзе знаходзiўся на заробках. На радзiме ён вырашыў расiйскiя рублi канвертаваць у долары i для гэтага скарыстаўся паслугамi "мянялы". У вынiку сваёй неабачлiвасцi небарака атрымаў 14 фальшывак намiналам па 100 долараў кожная. Ігар ГРЫШЫН.
Чтобы разместить новость на сайте или в блоге скопируйте код:
На вашем ресурсе это будет выглядеть так
Пры падлiку выручкi сельскага Дома культуры Кармянскага раёна падазрэнне выклiкала купюра вартасцю ў адну тысячу рублёў, пасля чаго пачалiся аператыўн
|
|