...

Источник материала:

Новыя гранiчныя тарыфы за 1 км праезду пасажыраў у аўтобусах рэгулярных маршрутаў прыгарадных зносiнаў зацвердзiў Мiнгарвыканкам. Так, на звычайных маршрутах у аўтобусах агульнага тыпу тарыф павялiчыўся з Br80 да Br102 (за 1 км), у аўтобусах з мяккiмi крэсламi — з 83,2 да Вr106. Паездка ў хуткасных маршрутах абыдзецца ў "жорсткiм" аўтобусе Br132,6, у "мяккiм" — Br137,8 за 1 км, на дадатковых — Br137,7 i Br143,1 i экспрэсных маршрутах — Br153 i Br159 за 1 км. У перавозчыкаў цэны могуць быць i нiжэйшымi. Прыгараднымi лiчацца перавозкi да 50 км ад мяжы горада.

Аўтацягнiк "Даймлер-Крайслер" на 237-м кiламетры аўтадарогi Брэст—Мiнск у Баранавiцкiм раёне пратаранiў аўтацыстэрну ЗiЛ-130, што стаяла на ўзбочыне. У ёй знаходзiўся звадкаваны кiсларод. Цыстэрна перавярнулася, кiсларод разлiўся. Вадзiцель атрымаў чэрапна-мазгавую траўму i быў дастаўлены ў бальнiцу. Супрацоўнiкi МНС перапампавалi кiсларод у iншую ёмiстасць, у вынiку чаго ўдалося прадухiлiць нанясенне ўрону навакольнаму асяроддзю.

Вадзiцель аўтамашыны "Форд-транзiт" збiў у Рэчыцкiм раёне дзвюх жанчын, якiя галасавалi, адна з iх загiнула. Згодна з папярэдняй iнфармацыяй, пацярпелыя аказвалi паслугi iнтымнага характару. Вадзiцель сам пазванiў у мiлiцыю.

У Брэсце на будоўлю разам з грунтам прывезлi 6 стрэлаў да ручнога супрацьтанкавага гранатамёта РПГ-7. Яны абясшкоджаныя групай размiнiравання.

Цэны на сланечнiкавы алей, што пастаўляецца з Малдовы, могуць быць знiжаныя. Самае буйное прадпрыемства гэтай галiны, АТ "Флоара Соарэлуй", зменшыла заводскiя цэны на алей у сярэднiм на 30 працэнтаў. Знiжэнне коштаў тлумачыцца вельмi добрым ураджаем сланечнiка.

Мiнiстр унутраных спраў Мексiкi i яшчэ 7 чалавек загiнулi пры крушэннi самалёта. Трагедыя адбылася ў цэнтры Мехiка. Пасля падзення самалёта адбыўся моцны выбух, у вынiку якога пацярпелi каля 40 чалавек. З-за пажару, якi пачаўся, згарэла каля 30 аўтамабiляў. Па меркаваннi экспертаў, самалёт упаў з-за тэхнiчнай няспраўнасцi.

Тэндэнцыя знiжэння дзiцячай смяротнасцi адзначаецца ў Беларусi, паведамiў першы намеснiк мiнiстра аховы здароўя Роберт Часнойць на калегii мiнiстэрства. Паводле яго даных, за 9 месяцаў гэтага года дзiцячая смяротнасць у Беларусi зменшылася на 21 працэнт у параўнаннi з аналагiчным перыядам мiнулага года i складае 4,5 прамiле (у студзенi—вераснi 2007 года — 5,7 прамiле). Роберт Часнойць падкрэслiў, што гэты паказчык у Беларусi самы нiзкi сярод краiн СНД. Узровень дзiцячай смяротнасцi ў перынатальны перыяд знiзiўся з 5,8 на 1 тыс. народжаных у студзенi—вераснi 2007 года да 5,2.

У Мiнску даражэе праезд у таксi. Новыя тарыфы зарэгiстравалi большасць перавозчыкаў. Максiмальны кошт праезду вырас на 20 працэнтаў.

У Германii, непадалёк ад Гановера, згарэў аўтобус з 30 пасажырамi. У вынiку iнцыдэнту загiнулi 20 чалавек. Выратавацца ўдалося толькi 10 пасажырам. Прычынай, хутчэй за ўсё, стала тэхнiчная няспраўнасць аўтобуса.

Даволi незвычайнае вiдовiшча давялося назiраць работнiкам аднаго з ЖЭСаў Харкава, калi яны вырашылi зазiрнуць на гарышча свайго шматпавярховiка. Нагодай для вiзiту стала скарга адной з жыхарак апошняга паверха — нейкi дзядуля рэгулярна лазiць на дах. Падчас агляду было выяўлена больш за 200 тушак галубоў, кожная з якiх была старанна раздзеланая i падсушаная на iмправiзаванай буржуйцы, што таксама знаходзiлася тут. Сумесная засада прынесла вынiкi — тым самым дзядулем аказаўся сусед з другога пад’езда, як выявiлася, даволi забяспечаны чалавек. Да гэтага нiхто не ведаў, што свой дабрабыт ён зарабiў... збiраючы мiласцiну. І хоць грошай на жыццё хапала, ён захаваў слабасць да галубiнага мяса. Як стала вядома, сваё кулiнарнае майстэрства 62-гадоваму харкаўчанiну давядзецца адточваць у iншым месцы.