Калектыву грамадскага аб’яднання "Беларускi саюз журналiстаў"

Источник материала:

Вiншую вас з 50-годдзем стварэння Беларускага саюза журналiстаў.

За сваю паўвекавую гiсторыю ваша аб’яднанне заслужыла аўтарытэт i павагу дзякуючы таму, што паслядоўна адстойвала прынцыпы духоўнасцi, праўдзiвасцi, патрыятызму i прафесiйнага майстэрства.

Не сакрэт, што журналiстыка можа выступаць як стваральным, так i дэструктыўным фактарам у працэсе фармiравання грамадскай думкi. На жаль, сёння не ўсе сродкi масавай iнфармацыi працуюць у iнтарэсах дабрабыту нашага народа i ўмацавання маладой суверэннай дзяржавы. Таму гэтак важна канструктыўная пазiцыя Саюза журналiстаў, яго актыўная роля ў жыццi краiны.

Iнфармацыйная прастора не павiнна быць арэнай распальвання сацыяльнай i мiжнацыянальнай варожасцi, тыражавання зла i амаральнасцi. У цяперашнiм неспакойным свеце вельмi важна даносiць да людзей узважаную i дакладную iнфармацыю, усведамляючы ўсю меру адказнасцi за кожнае друкаванае або эфiрнае слова.

Прафесiйнаму аб’яднанню i ў далейшым трэба яшчэ больш рашуча ставiць заслон насiллю, хлуснi i амаральнасцi. У той жа час заахвочваць творчыя дасягненнi журналiстаў у асвятленнi актуальных тэм.

Няхай множацца рады вашага саюза, папаўняючыся сапраўды залатымi пёрамi — таленавiтымi, духоўна багатымi i высокаадукаванымi людзьмi, патрыётамi Айчыны.

Шчыра жадаю вам моцнага здароўя, новых поспехаў i невычэрпнага натхнення.