Растуць паверхі i... праблемы

Источник материала:

1. Згодна з падпунктам 1.11 Указа Прэзiдэнта Рэспублiкi Беларусь ад 14 красавiка 2000 г. № 185, маладыя сем’i маюць права на сумеснае выкарыстанне льготнага крэдыту i аднаразовай бязвыплатнай субсiдыi на будаўнiцтва (рэканструкцыю) або набыццё жылых памяшканняў.

Аднак неабходна мець на ўвазе, што субсiдыя прадастаўляецца ў парадку чарговасцi, устаноўленай зыходзячы з часу прыняцця грамадзян на ўлiк маючых патрэбу ў паляпшэннi жыллёвых умоў. Грамадзянам, якiя маюць у адпаведнасцi з заканадаўчымi актамi права на пазачарговае атрыманне жылых памяшканняў сацыяльнага карыстання, субсiдыi прадастаўляюцца ў парадку чарговасцi, устаноўленай для адпаведных катэгорый грамадзян зыходзячы з часу прыняцця iх на ўлiк маючых патрэбу ў паляпшэннi жыллёвых умоў.

Спрэчкi, якiя ўзнiкаюць пры прадастаўленнi субсiдыi, разглядаюцца вышэйстаячым мясцовым выканаўчым i распарадчым органам альбо судом ва ўстаноўленым парадку.

2. Фiнансавая дапамога дзяржавы ў пагашэннi запазычанасцi па льготных крэдытах прадастаўляецца маладым сем’ям у выпадку нараджэння дзяцей пасля ўводу жылых дамоў у эксплуатацыю, зыходзячы з сумы запазычанасцi па льготных крэдытах на дату прадстаўлення крэдытаатрымальнiкамi адкрытаму акцыянернаму таварыству "Ашчадны банк "Беларусбанк" дакументаў, неабходных для яе атрымання, i аказваецца ў наступных памерах:

а пры нараджэннi першага дзiцяцi — 10 працэнтаў ад астатку запазычанасцi па выдадзеных iльготных крэдытах;

а пры нараджэннi другога дзiцяцi — 20 працэнтаў ад астатку запазычанасцi.

Пагашэнне запазычанасцi па льготных крэдытах ажыццяўляецца грамадзянамi з наступнага месяца пасля ўводу дома ў эксплуатацыю, а ў выпадку здачы дома ў эксплуатацыю (будаўнiцтва кватэр) без выканання ў поўным аб’ёме работ па ўнутраным аздабленнi жылых памяшканняў i ўстаноўцы ў iх убудаванай мэблi — праз шэсць месяцаў пасля ўводу дома ў эксплуатацыю.

Сем’ям пры нараджэннi трэцяга i наступных дзяцей пасля ўводу жылых дамоў у эксплуатацыю фiнансавая дапамога дзяржавы ў пагашэннi запазычанасцi па льготных крэдытах прадастаўляецца ў наступных памерах:

а пры нараджэннi трэцяга дзiцяцi — 50 працэнтаў ад сумы запазычанасцi па выдадзеных крэдытах;

а пры нараджэннi чацвёртага дзiцяцi — 70 працэнтаў ад сумы запазычанасцi па выдадзеных крэдытах;

а пры нараджэннi пятага дзiцяцi — 100 працэнтаў ад сумы запазычанасцi па выдадзеных крэдытах.

3. Пры вызначэннi велiчынi льготнага крэдыту ўлiчваюцца нармаваныя памеры агульнай плошчы жылога памяшкання, якое будуецца (з разлiку на аднаго члена сям’i). Для грамадзян, якiя валодаюць у адпаведнасцi з заканадаўствам правам на дадатковую плошчу жылога памяшкання па стане здароўя, указаныя нармаваныя памеры агульнай плошчы жылога памяшкання павялiчваюцца на 15 кв. метраў на кожнага члена сям’i, якi мае права на дадатковую плошчу жылога памяшкання.

Iнструкцыяй аб парадку выдачы медыцынскага заключэння асобам, якiя ў вынiку захворванняў маюць права на дадатковую плошчу (зацверджана пастановай Мiнздрава ад 19 красавiка 2001 г. № 27, у рэдакцыi пастановы ад 20 красавiка 2006 г. № 25) прадугледжана, што медыцынскае заключэнне выдаецца хвораму, як правiла, па пiсьмовым запыце мясцовых выканаўчых i распарадчых органаў, арганiзацый, якiя займаюцца размеркаваннем жылля, запыце суда. Агульных абмежаванняў на выдачу такога заключэння, звязаных з узростам хворых, гэта iнструкцыя не змяшчае.

Разам з тым у Пералiку захворванняў, якiя даюць асобам, якiя пакутуюць ад iх, права на дадатковую плошчу, маюцца асобныя захворваннi з указаннем тэрмiну лячэння. Да такiх захворванняў, у прыватнасцi, аднесены аддаленыя наступствы (пасля 12 месяцаў лячэння) захворванняў i траўмаў цэнтральнай нервовай сiстэмы са стойкiмi рэзка выяўленымi парушэннямi рухальнай функцыi дзвюх i больш канечнасцяў.

4. Што датычыцца iншых iльгот па паляпшэннi жыллёвых умоў, то згодна з падпунктам 1.10 Указа Прэзiдэнта Рэспублiкi Беларусь ад 14 красавiка 2000 г. № 185 грамадзяне, у складзе сем’яў якiх маюцца дзецi-iнвалiды, маюць права на пазачарговае ўключэнне ў спiсы на атрыманне льготных крэдытаў.

Акрамя таго, у адпаведнасцi з падпунктам 62.9.4 Палажэння аб парадку ўлiку грамадзян, якiя маюць патрэбу ў паляпшэннi жыллёвых умоў, прадастаўлення жылых памяшканняў дзяржаўнага жыллёвага фонду (зацверджана Указам Прэзiдэнта Рэспублiкi Беларусь ад 29 лiстапада 2005 г. № 565) грамадзяне, у складзе сем’яў якiх маюцца дзецi-iнвалiды, маюць права на атрыманне ва ўстаноўленым парадку жылога памяшкання сацыяльнага карыстання дзяржаўнага жыллёвага фонду.