Мiкалай Прасталупаў: У лютым другаснае жыллё можа iстотна патаннець

Источник материала:

Першымi на новыя фiнансавыя ўмовы банкаў адрэагавалi забудоўшчыкi камерцыйнага жылля. Яшчэ 3—4 месяцы таму кватэры ў новых дамах сталiцы прапаноўвалiся клiентам не танней чым за 1800—2000 долараў за квадратны метр. Цяпер уласнiкi новабудоўляў у мiкрараёне Сухарава-5 прадаюць "квадрат" аднапакаёвых кватэр за 1730 долараў, двухпакаёвых кватэр — за 1680 долараў, вялiкiх трохпакаёвак агульнай плошчай больш за 83 квадратныя метры — за 1630 долараў. Гэтыя каркасна-блочныя дамы пабудаваныя, але гаспадароў кватэр забудоўшчыкi i цяпер працягваюць упарта шукаць. Сёння клiентам прапануецца долевае будаўнiцтва ў Першамайскiм раёне сталiцы па вулiцы Валгаградскай, дзе квадратны метр кватэр каштуе 1800 долараў. Ёсць магчымасць у жыхароў сталiцы пабудаваць кватэры на працягу наступнага года па праспекце Ракасоўскага, дзе квадратны метр не вельмi маленькiх кватэр складае ўжо 1534—1786 долараў.

Першасны рынак сталiчнага жылля сёння ўжо не можа даволi працяглы час функцыянаваць за кошт дарагiх крэдытаў, таму забудоўшчыкi пачалi прапаноўваць спажыўцам больш рэальныя цэны.

Нягледзячы на iстотнае патанненне першаснага рынку сталiчнага жылля, уладальнiкi мiнскiх кватэр i цяпер працягваюць трымаць нерэальна вялiкiя цэннiкi на звычайныя стандартныя кватэры.

Згодна з iнфармацыяй iнфармацыйнага каталога рэспублiканскага выдання "Нерухомасць Беларусi", самыя слабенькiя па якасцi, а таму i самыя танныя аднапакаёвыя кватэры ў сталiцы каштуюць 55—58 тысяч долараў. За апошнiя два месяцы кошт сапраўды маленькiх кватэр практычна не змянiўся, бо на iх у Мiнску застаецца пэўны попыт. Даволi вялiкая колькасць аднапакаёвых кватэр у панэльных дамах прапануецца сёння па кошце ад 60 да 70 тысяч долараў. Падлiчана, што квадратны метр агульнай плошчы аднапакаёвак каштуе прыкладна 2064 долары, а сярэднi кошт невялiкiх кватэр складае каля 72 тысяч долараў.

Згодна з цэннiкамi, што прапануюцца ў рэкламных выданнях, сярэднi кошт "квадрата" двухпакаёвых кватэр складае 2044 долары, а трохпакаёвак — 1953 долары. Гэтыя цэннiкi знiжаюцца цяпер вельмi марудна — на 2-8 долараў за тыдзень. Мiкалай Прасталупаў адзначыў, што пры рэальных здзелках зацiкаўлены прадавец можа скiнуць i 10-12 тысяч долараў ад стартавага кошту. Аднапакаёвыя кватэры i сёння яшчэ прадаюцца па кошце квадратнага метра ў межах 1900 долараў. А вось двухпакаёвыя i трохпакаёвыя кватэры ў старых панэльных пяцiпавярховых дамах па вулiцах Адзiнцова i Лабанка Фрунзенскага раёна, цi ў Заводскiм раёне або ў Шабанах "завiсаюць", калi прапануюцца даражэй чым за 1600 долараў за квадратны метр. У "лiквiдных" раёнах ўздоўж першай лiнii метро i ў цэнтры сталiцы кошт стандартных кватэр i сёння застаецца на даволi высокiм узроўнi.

У апошнiя гады прапанова на другасным рынку жылля ў сталiцы дасягнула свайго максiмуму i складае каля 9 тысяч кватэр. Разам з тым цяжкасцi пры атрыманнi вялiкiх крэдытаў знiзiлi рэальны попыт да мiнiмуму.

Згодна з меркаваннямi нашага эксперта, да 25 снежня другасны рынак жыллёвай нерухомасцi сталiцы яшчэ не паспее iстотна адрэагаваць на тэндэнцыi патаннення, якiя назiраюцца на суседнiх з намi рынках. З 25 снежня па 15 студзеня жыллёвы рынак у Беларусi ўвогуле не працуе. Недзе з сярэдзiны лютага гаспадары не зусiм лiквiдных кватэр будуць вымушаны знiжаць цэннiкi на свае не вельмi якасныя квадратныя метры. Прагназаванае патанненне стандартных кватэр у лютым будзе дасягаць прыкладна 10-15 працэнтаў, упэўнены Мiкалай Прасталупаў.