Фірменны гандаль павiнен адпавядаць часу i патрабаванням пакупнiка

Источник материала:

— Пакупнiк сёння патрабуе прысутнасцi ў харчовым магазiне ўнiверсальнага асартыменту тавараў, а ў нехарчовым — тавараў пэўнага прызначэння, прадстаўленага ўсiмi вытворцамi краiны. Дзеючае патрабаванне аб наяўнасцi ўстаноўленай удзельнай вагi тавараў заснавальнiка — 75 працэнтаў для нехарчовых i 50 працэнтаў для харчовых, ды i iншыя крытэрыi вызначэння статусу "фiрменны магазiн" патрабуюць перагляду, — сказаў намеснiк мiнiстра гандлю Вячаслаў Драгун. — Гэта i стала прычынай таго, што магазiн, адкрыты вытворцам, працуе як гандлёвы пункт любога iншага ўласнiка. У вынiку цяпер толькi кожны пяты магазiн вышэйназваных мiнiстэрстваў мае статус "фiрменны".

За мiнулы год колькасць магазiнаў павялiчылася толькi ў сiстэме Мiнсельгасхарча (на 227 адзiнак, у тым лiку 6 — фiрменных). Затое скарацiлася ў сiстэме Мiнпрома (на 17 магазiнаў, з якiх 2 — фiрменныя) i Мiнбудархiтэктуры (на 2 ведамасныя). Не можа не непакоiць i знiжэнне тэмпаў росту рознiчнага таваразвароту.

Шмат фiрменных магазiнаў размешчана ў невялiкiх памяшканнях, у якiх не выкарыстоўваюцца новыя прагрэсiўныя тэхналогii продажу, сучаснае абсталяванне. Да прыкладу, самаабслугоўванне выкарыстоўваецца толькi ў 7 працэнтах магазiнаў сiстэмы Мiнсельгасхарча. У многiх магазiнах адсутнiчаюць бясплатныя ўпаковачныя матэрыялы. У вынiку пакупнiкам прапануецца набыць iх па рознiчных цэнах (з гандлёвай надбаўкай), напрыклад, у магазiне № 4 "Балычок" СВК "Агракамбiнат Сноў", у магазiне "Браты Грыль" ад Смалявiцкай бройлернай фабрыкi, г. Жодзiна.

За апошнi час у краiне створаны шэраг фiрменных магазiнаў, якiя адпавядаюць самым высокiм патрабаванням: магiлёўскi "Вiцязь РУВП "Вiцязь", "Верас-14" ААТ "Брэсцкi мясакамбiнат", "Гарачы хлеб" РУВП "Брэстхлебпрам", сетка магазiнаў "Дары ад Зары" РУП "Саўгас-камбiнат "Зара" Мазырскага раёна i шэраг iншых.

У магазiнах канцэрна "Белптушкапрам" вывучэнне попыту адбываецца шляхам анкетавання пакупнiкоў i правядзення дэгустацый. Шырокую рэкламу сваёй прадукцыi, акцыi са знiжэннем цэнаў праводзяць ААТ "Гарызонт", РУВП "Вiцязь", ААТ "Атлант". У магазiнах птушкафабрыкi "Салiгорская" прымаюцца папярэднiя заяўкi на неабходны тавар, развозiцца прадукцыя для пенсiянераў i ветэранаў Вялiкай Айчыннай вайны. Чым не прыклад для пераймання?..