Г, Д, Е i iншыя лiтары алфавiту

Источник материала:

Сталi вядомыя iмёны пяцi фiналiстаў Нацыянальнага тэлевiзiйнага музычнага праекта "ЕўраФэст". Іх па вынiках паўфiнальнага канцэрта (выступленне пад фанаграму "мiнус адзiн" у тэлевiзiйнай студыi) агучыла прафесiйнае журы на чале з народным артыстам Беларусi Анатолем Ярмоленкам. Шанц стаць прадстаўнiком Беларусi на "Еўрабачаннi-2009" у Маскве атрымалi Пётр Елфiмаў, (1) тандэм гурта "Litеsоund" i Дакоты (2), гурт "Вецер у галаве" (3), спявачкi Дамiнiка (4) i Гюнеш (5).

Як вiдаць, сярод фiналiстаў з’явiлiся iмёны не толькi не "зорныя", але i зусiм новыя на беларускай сцэне — i гэта, мабыць, заканамерна. Паўфiнальны канцэрт пацвердзiў тое, што часта паўтаралi суддзi i ўсё нiяк не маглi прыняць некаторыя артысты i прадзюсары: мала проста выйсцi на сцэну i праспяваць песню, трэба яшчэ здзiвiць, зачапiць слухача. З гэтай задачай, як нi дзiўна, найлепш справiлiся якраз навiчкi адбору — амаль усе яны былi яркiмi, адметнымi, запамiнальнымi, у той час як некаторыя папулярныя выканаўцы нiбыта зрабiлi кальку з сябе самiх — не добрую i не дрэнную, нiякую... I ўсё ж нават пры такiм раскладзе барацьба была нялёгкай, а эмоцыi публiкi на працягу шоу — непадробнымi i шчырымi.

Мiнi-апытанне сярод артыстаў i прадзюсараў, якiя не ўдзельнiчалi ў адборы, але з цiкавасцю глядзелi яго, паказала: цалкам фiнальную пяцёрку не адгадаў нiхто, але пры вызначэннi фаварытаў тры iменi называлiся аднадушна. Крэслы ламаць за сваiх улюбёнцаў, зразумела, не варта, але дазнацца ў журы, чаму выбар менавiта такi, усё ж не зашкодзiць.

— Усцешыла тое, што з’явiлся новыя iмёны, якiя не проста не згубiлiся, выплылi сярод больш як 100 прэтэндэнтаў, але i стабiльна выступiлi ў паўфiнале, — адзначае старшыня прафесiйнага журы Анатоль Ярмоленка.

— Галоўны крытэрый быў не моўны, а ў першую чаргу музычны. Камусьцi банальна не хапiла вопыту, упэўненасцi ў сабе. Мы глядзелi ўсе выступленнi ў асобным пакоi па тэлевiзары, i адразу адзначу, што многiя, хто цiкава падаў сябе на праслухоўваннi ў зале, не змаглi зрабiць тэлевiзiйнае выступленне таксама пераканаўчым. Яшчэ адзiн недахоп — амаль усе празмерна фарсiравалi голас: было многа крыку, а не спеваў. Гэта падвяло i Дакоту з яе сольнай песняй, а вось дуэт з "Litеsоund" — зусiм iншая справа, з гэтага можа атрымацца вельмi добры нумар.

Мастацкi кiраўнiк праекта "ЕўраФэст" Аляксандр Цiхановiч прызнаецца, што ўважлiва прагледзеў i праслухаў выступленнi 15 паўфiналiстаў, але стараўся нiкому не аддаваць перавагi. На яго думку, журы ўдалося зрабiць узважаны выбар, адабраўшы кандыдатаў, кожны з якiх можа годна прадставiць Беларусь на конкурсе.

— Так. Не буду называць iмёнаў, але ў фiнале варта было б гэта зрабiць. I як след папрацаваць над тым, каб паказаць канчаткова гатовы, цэльны нумар — гэтага заўжды чакаеш, i заўжды ёсць адчуванне незавершанасцi.

У фiнале нацыянальнага адбору, якi адбудзецца ў студзенi 2009 года, нагадаем, суддзi права голасу ўжо не маюць — выбар будуць рабiць шляхам тэлефоннага галасавання выключна тэлегледачы. Але, можа, да некаторых меркаванняў суддзяў варта прыслухацца — каб не наракаць потым, што "зноў не тое", "зноў не тыя"? Так цi iнакш, паўфiнальны канцэрт здзiвiў. Цяпер хочацца, каб фiнал парадаваў.