Урад Беларусі павялiчыць статутныя фонды чатырох найбуйнейшых дзяржбанкаў на Br2 трлн

Источник материала:

Так, статутны фонд ААТ "ААБ Беларусбанк" будзе павялiчаны на Br650 млрд, або на 39,7 працэнта да Br2288,8 млрд, ААТ "Белагра-прамбанк" — на Br950 млрд (на 50,6 працэнта) да Br2828,6 млрд, ААТ "Белiнвестбанк" — на Br200 млрд (у 2,1 раза) да Br382,1 млрд, ААТ "БПС-Банк" — на Br200 млрд (у 2,03 раза) да Br394,1 млрд.

Павелiчэнне статутных фондаў банкаў будзе ажыццёўлена праз выпуск дзяржаўных доўгатэрмiновых аблiгацый на суму Br2 трлн з тэрмiнам абарачэння да 10 гадоў i продаж iх гэтым банкам. Сродкi, атрыманыя за кошт дадатковага выпуску дзяржпапер, павiнны быць унесены ў якасцi грашовага ўкладу ў статутныя фонды адкрытых акцыянерных таварыстваў. Акрамя таго, статутны фонд ААТ "Белаграпрамбанк" будзе павялiчаны яшчэ на Br1 млрд. Гэта будзе дасягнута за кошт павелiчэння доляў яго акцыянераў — РУП "Белдзяржстрах" (на Br650 млрд) i РУП "Беларуская нацыянальная перастраховачная арганiзацыя" (на Br350 млрд). Сродкi ў якасцi грашовага ўкладу ў статутныя фонды гэтых прадпрыемстваў будуць накiраваныя з дзяржаўнага бюджэту за кошт астаткаў, якiя ўтварылiся на 1 снежня 2008 года. Такiм чынам, статутны фонд ААТ "Белаграпрамбанк" будзе павялi-чаны больш чым у два разы (на Br1,95 трлн) i складзе Br3828,6 млрд. Адпаведна, агульны аб’ём дзяржаўнай падтрымкi гэтых банкаў складзе Br3 трлн.

У адпаведнасцi з указам кантроль за выкананнем дакумента ўскладзены на Камiтэт дзяржаўнага кантролю. Указ уступае ў сiлу з дня яго падпiсання.