Мінэканомiкi просiць прадпрымальнiкаў не рабiць цэнавай анархii

Источник материала:

— Зараз адмяняецца рэгiстрацыя цэнаў на новыя тавары, работы i паслугi, за выключэннем платных медыцынскiх паслуг, — расказаў журналiстам Ігар Фамiн, дырэктар дэпартамента па цэнавай палiтыцы Мiнэканомiкi. — Таксама спрашчаецца вядзенне прадпрымальнiцкай дзейнасцi ў эканамiчным абгрунтаваннi цэнаў i тарыфаў: зараз яно не патрэбнае для ўсiх IП, а не толькi для тых, хто працуе па спрошчанай сiстэме падаткаабкладання, як гэта было раней. Таксама эканамiчнае абгрунтаванне не патрабуецца для юрыдычных асобаў i IП, якiя рэалiзуюць сельскагаспадарчую прадукцыю. У новым пералiку ўжо няма нарыхтоўкi жывiцы, паляўнiчых пуцёвак, рамонту медтэхнiкi, вырабу i рамонту акулярнай оптыкi, паслуг, якiя аказваў Дэпартамент па грамадзянстве i мiграцыi МУС i... залогавых цэнаў на шклатару.

Iгар Фамiн звярнуўся да прадпрымальнiкаў з просьбай рэзка цэны не павышаць:

— Мы спадзяёмся, што не будзе цэнавага бязмежжа, якое мы назiралi ў студзенi. Мы разумеем, што эканомiка павiнна развiвацца па сваiх законах i што, калi адбылася разавая дэвальвацыя, то пакрыць гэтыя выдаткi трэба, але рабiць гэта трэба не за адзiн раз, не абвальна, як паказалi праверкi. Я прашу, каб было разуменне крокаў дзяржавы i не было разавага павышэння цэнаў. Мы прапануем ажыццявiць гэтае павышэнне паэтапна: вядома, выдаткi трэба кампенсаваць, але рабiць гэта трэба разумна.