Кожнаму беларусу па 6 кнiжак!

Источник материала:

— Кнiгавыданнем у нас займаецца болей за 700 выдаўцоў, а летась мы выпусцiлi каля 6 экзэмпляраў кнiг i брашур на кожнага жыхара краiны. Гэта добры паказчык, — лiчыць мiнiстр iнфармацыi. — Я з задавальненнем адзначаю, што i палiграфiчнае афармленне нашай прадукцыi паляпшаецца з кожным годам. I наогул, мы перакананыя, што 16-я выстава-кiрмаш "Кнiгi Беларусi-2009" будзе служыць зблiжэнню народаў, культур, прапагандзе кнiгавыдання i кнiгi.

Сёлета на кнiжнай выставе пачэсным госцем выступае Рэспублiка Казахстан. Кiраўнiк казахстанскай дэлегацыi, старшыня Камiтэта па iнфармацыi i архiвах Мiнiстэрстваў культуры i iнфармацыi Рэспублiкi Казахстан, Бауржан Айтказiн падзялiўся сваiмi думкамi наконт таго, як звязаны кнiгавыдавецтва i фiнансавы крызiс.

— Сусветны эканамiчны крызiс пераможна iдзе па планеце, — адзначыў ён, —абвальваюцца эканомiкi, скарачаюцца працоўныя месцы, стаяць вытворчасцi... I вось у гэтых няпростых, складаных умовах правядзенне найбуйнейшай Мiнскай мiжнароднай выставы — гэта сапраўды дастойны адказ пагрозам i выклiкам часу. I таму, пакуль ёсць такая мiжнародная выручка кнiгавыдаўцоў, я думаю, крызiсу ў чалавечых душах не будзе.

Пасля таго, як кiраўнiка казахстанскай дэлегацыi азнаёмiлi з асноўнымi стэндамi выставы, Баурджан Айтказiн сказаў колькi словаў пра сяброўства нашых народаў:

— У Казахстане цяпер звыклая карцiна, калi на нашых нiвах — вашы камбайны, на нашых вугальных шахтах — вашыя БелАЗы i МАЗы. Я ведаю, што казахстанскае зерне вельмi папулярнае ў Беларусi, што нашы банкi актыўна працуюць у вас. I вось тое, што цяпер Казахстан актыўна ўдзельнiчае ў гэтай кнiжнай выставе, мы схiльныя разглядаць як яшчэ адзiн крок да зблiжэння дзвюх краiн.

Нагадаем чытачам, што кнiжная выстава будзе працаваць да 15 лютага. На ёй вы зможаце пабачыць стэнды з кнiгамi 25 краiн — Расii, Украiны, Казахстана, Лiтвы, Польшчы, Славакii, Францыi, Швецыi, Германii, Iзраiля, Кiтая, Кубы, ЗША, Эстонii, Балгарыi, Бельгii, Венгрыi, Iрана, Карэi i iншых. I вядома ж — стэнды беларускiх выдаўцоў, дзе можна не толькi кнiжкi пагартаць-набыць, але i падсiлкавацца: напрыклад, выдавецтва "Беларуская энцыклапедыя iмя П. Броўкi" на адкрыццi выставы частавала ўсiх ахвотных блiнамi. Чаму блiнамi? Усё проста: яны ў 2008-м выпусцiлi добрую кнiжку "Беларуская кухня" i, вiдаць, не утрымалiся пару рэцэпцiкаў выкарыстаць i пакармiць чытачоў.