КС Беларусі ў 2008 годзе праверыў канстытуцыйнасць 102 парламенцкiх актаў

Источник материала:

Дзейнасць КС накiравана на забеспячэнне вяршэнства Канстытуцыi, прамога дзеяння яе нормаў, абароны правоў i свабод грамадзян. У 2008 годзе суд прыняў больш за 20 рашэнняў па ўстараненнi калiзiй i супярэчнасцяў у заканадаўстве рэспублiкi. У гэтых рашэннях змяшчаюцца прапановы парламенту i ўраду па выпраўленнi недахопаў у дзеючых нарматыўных актах.

Канстытуцыйны суд у мiнулым годзе на адпаведнасць Канстытуцыi краiны праверыў 102 законы, прынятыя Палатай прадстаўнiкоў i адобраныя Саветам Рэспублiкi. Супярэчнасцяў Канстытуцыi ў названых законах не ўстаноўлена. Пры гэтым па асобных нормах судом сфармуляваны прававыя пазiцыi, накiраваныя на ўдакладненне iх канстытуцыйна-прававога сэнсу, што дасць магчымасць не дапусцiць неканстытуцыйнасцi правапрымянення гэтых нормаў.

Кiраўнiк дзяржавы станоўча ацанiў дзейнасць КС у рэалiзацыi дэкрэта № 14, якiм суду прадастаўлены дадатковыя паўнамоцтвы. Змяненнi ў нацыянальнае заканадаўства ў сувязi з дзеяннем дэкрэта прапануецца пакуль не ўносiць. Праз некаторы час, пасля перыяду апрабацыi i практычнага прымянення нормаў дэкрэта, можна будзе падрыхтаваць адпаведныя змяненнi ў Кодэкс аб судовым ладзе i статусе суддзяў i прыняць закон "Аб канстытуцыйным вядзеннi".

Папярэднi канстытуцыйны кантроль законаў, што ажыццяўляецца Канстытуцыйным судом Беларусi, на постсавецкай прасторы ўведзены ўпершыню.

Аляксандр Лукашэнка акцэнтаваў увагу на неабходнасцi ў поўнай меры выкарыстоўваць прадастаўленныя суду паўнамоцтвы: у прыватнасцi, павысiць актыўнасць дзяржорганаў, правамоцных звяртацца ў КС з запытамi аб праверцы канстытуцыйнасцi нарматыўна-прававых актаў. Прэзiдэнт таксама звярнуў увагу на мэтазгоднасць павышэння выхаваўчага ўздзеяння судовай сiстэмы, у тым лiку праз больш шырокае выкарыстанне сродкаў масавай iнфармацыi, у першую чаргу тэлебачання.

Паводле паведамленняў прэс-службы Прэзідэнта Рэспублiкi Беларусь і Белта.