Магчымасці чаргавiкоў па будаўнiцтве жылля ў Беларусi пашыраны

Источник материала:

Дакументам удасканальваюцца некаторыя нормы заканадаўства, якiя датычацца рэалiзацыi правоў грамадзян на паляпшэнне жыллёвых умоў.

Палажэннем аб арганiзацыi забудоўшчыкаў, зацверджаным указам ад 28 студзеня 2008 года № 43, устаноўлена, што ў арганiзацыю забудоўшчыкаў для будаўнiцтва жылых дамоў тыпавых спажывецкiх якасцяў з дзяржаўнай падтрымкай уключаецца 30 працэнтаў грамадзян, якiя маюць права на пазачарговае атрыманне льготнага крэдыту на гэтыя мэты, а астатнiя 70 працэнтаў — якiя не маюць такога права (гэта значыць на пазачарговае атрыманне льготнага крэдыту), але маюць права на атрыманне льготнага крэдыту.

Існуючая сiтуацыя прыводзiць да нараканняў чаргавiкоў, якiя не маюць права на льготнае крэдытаванне i доўгi час стаяць на ўлiку маючых патрэбу ў паляпшэннi жыллёвых умоў. Часта яны не могуць быць уключаны ў спiсы арганiзацыi забудоўшчыкаў з-за нязначнага перавышэння ўзроўню даходаў, што даюць права на льготнае крэдытаванне (цяпер гэты ўзровень складае не больш як Br1089 тыс.). Гэтым яны абмежаваны ў магчымасцi выкарыстаць права на будаўнiцтва жылля тыпавых спажывецкiх якасцяў праз мясцовы выканаўчы i распарадчы орган, дзяржаўны орган, iншую арганiзацыю, гэта значыць жылля па больш нiзкiм кошце ў параўнаннi з камерцыйнымi цэнамi.

Указам № 100 устаноўлена, што цяпер арганiзацыi забудоўшчыкаў будуць фармiравацца мясцовымi органамi ўлады, дзяржаўнымi органамi i арганiзацыямi з лiку грамадзян, якiя знаходзяцца на ўлiку маючых патрэбу ў паляпшэннi жыллёвых умоў, у парадку чарговасцi, без улiку iх права на дзяржаўную падтрымку (iльготныя крэдыты).

Акрамя таго, прадугледжана прадаставiць на такiх жа ўмовах права гаспадарчым таварыствам, акцыi (долi ў статутным фондзе) якiх належаць Рэспублiцы Беларусь або адмiнiстрацыйна-тэрытарыяльным адзiнкам, фармiраваць арганiзацыi забудоўшчыкаў з лiку грамадзян, якiя знаходзяцца на ўлiку маючых патрэбу ў паляпшэннi жыллёвых умоў.

Пры гэтым захоўваецца норма аб уключэннi ў арганiзацыi забудоўшчыкаў у першую чаргу да 30 працэнтаў грамадзян, якiя маюць права на пазачарговае атрыманне льготных крэдытаў.