Амаль 200 новых відаў прадукцыi выпусцiлi рыбаперапрацоўчыя прадпрыемствы Кiраўнiцтва справамi Прэзi

Источник материала:

Задачу павялiчваць уласную вытворчасць рыбнай прадукцыi паставiў кiраўнiк дзяржавы, прадстаўляючы ў студзенi 2008 года на пасадзе Кiраўнiка спраў Прэзiдэнта Беларусi Мiкалая Дамашкевiча. Як паказваюць вынiкi работы за мiнулы год, гэта задача выканана. УП "Белрыба" паставiла ў краiну каля 30 тыс. тон рыбы i морапрадуктаў, што на 15,5 працэнта больш, чым у 2007-м годзе. У прыватнасцi, Браслаўскi кансервавы цэх гэтага прадпрыемства выпусцiў рыбных кансерваў на 67 працэнтаў больш, чым у папярэднiм годзе.

Прадпрыемствы i арганiзацыi Кiраўнiцтва справамi Прэзiдэнта ў 2008 годзе па ўсiх паказчыках iстотна перавысiлi вынiкi папярэдняга года. Забяспечаны ўстойлiвы рост важнейшых параметраў прагнозу сацыяльна-эканамiчнага развiцця. Напрыклад, тэмп росту вытворчасцi прамысловай прадукцыi ў супастаўных цэнах да ўзроўню 2007 года склаў 120,5 працэнта, спажывецкiх тавараў — звыш 118 працэнтаў, прадукцыi сельскай гаспадаркi — амаль 119 працэнтаў. Рознiчны тавараабарот павялiчыўся на 24 працэнты. Усе паказчыкi павялiчаны дзякуючы росту прадукцыйнасцi працы i эфектыўнаму выкарыстанню вытворчых рэсурсаў.

Як паведамiлi ў службе iнфармацыi i грамадскiх сувязяў Кiраўнiцтва справамi, у мiнулым годзе атрымана амаль Br133 млрд чыстага прыбытку, што ў паўтара раза больш, чым у 2007 годзе, рэнтабельнасць рэалiзаванай прадукцыi (тавараў, работ i паслуг) склала больш як 16 працэнтаў. За кошт укаранення энергазберагальных тэхналогiй арганiзацыi Кiраўнiцтва справамi Прэзiдэнта зэканомiлi 4657 тон умоўнага палiва. Атрыманы прыбытак i сродкi iнавацыйнага фонду накiроўвалiся на ўмацаванне i развiццё матэрыяльна-тэхнiчнай базы сваiх прадпрыемстваў, асваенне i развiццё новых вiдаў прадукцыi i паслуг, а таксама на ажыццяўленне важнейшых праектаў, што рэалiзуюцца па даручэннi Прэзiдэнта.

Кiраўнiцтва справамi iнвесцiравала каля Br2 млрд у тэхнiчнае пераўзбраенне i мадэрнiзацыю Мiнскай друкарнi. Гэта дало магчымасць вырабiць i паставiць Гродзенскай тытунёвай фабрыцы 80 працэнтаў ад неабходнай кардоннай упакоўкi. У вынiку фабрыка поўнасцю адмовiлася ад iмпарту гэтага вiду прадукцыi.

У мiнулым годзе актыўна вялася работа па мадэрнiзацыi прадпрыемстваў вытворча-гандлёвага аб’яднання "Белмастацпромыслы". У прыватнасцi, туды iнвеставана Br2 млрд 653 млн. Гэта дало магчымасць аб’яднанню атрымаць Br1 млрд 158 млн чыстага прыбытку.

На калегii адзначалася, што многае зроблена па аснашчэннi найноўшай тэхнiкай прыродаахоўных устаноў. Напрыклад, у Нацыянальны парк "Прыпяцкi" накiравана тэхнiкi больш як на Br12 млрд. Тут таксама здадзены ў эксплуатацыю Дом экалагiчнай асветы. У Белавежскай пушчы ўведзены ў строй гасцiнiчна-аздараўленчы комплекс.

Прынятыя меры далi магчымасць арганiзацыям лясной гаспадаркi атрымаць Br8,7 млрд прыбытку, што ў паўтара раза больш, чым у 2007 годзе.

Дзякуючы аптымiзацыi структуры гандлёвых арганiзацый рознiчнага гандлю iстотна палепшаны вынiкi iх фiнансавай дзейнасцi — атрымана звыш Br20 млрд прыбытку.

У мiнулым годзе таксама iстотна ўмацавана матэрыяльна-тэхнiчная база санаторна-курортных арганiзацый. У прыватнасцi, уведзены ў строй водна-спартыўны комплекс "Юнацтва", капiтальна адрамантаваны жылыя катэджы ў санаторыi "Сосны". А вядомы санаторый "Беларусь" у Друскiнiнкаi пасля капрамонту спальнага корпуса атрымаў сертыфiкат на гасцiнiчныя паслугi катэгорыi "тры зоркi" згодна з мiжнароднай класiфiкацыяй гасцiнiц.

Немалаважны той факт, што ў 2008 годзе 70 тыс. чалавек паправiлi здароўе ў санаторна-курортных установах Кiраўнiцтва справамi Прэзiдэнта Рэспублiкi Беларусь. Iх высокi ўзровень прывабны для замежных грамадзян, якiя ўсё большую перавагу аддаюць беларускiм здраўнiцам. За год каля 29 тыс. iншаземцаў аддалi перавагу санаторна-курортным установам Кiраўнiцтва справамi, а гэта прыкладна 39 працэнтаў ад агульнай колькасцi адпачывальнiкаў.

Прадпрыемствы i арганiзацыi Кiраўнiцтва справамi Прэзiдэнта Рэспублiкi Беларусь i ў далейшым маюць намер павышаць эфектыўнасць сваёй фiнансава-эканамiчнай дзейнасцi.