Бываюць выпадкi, калi зямлю можна аформiць толькi ў арэнду...

Источник материала:

Лiст i дакументы Святланы Васiльеўны мы накiравалi ў Дзяржкамiтэт па маёмасцi, адкуль атрымалi наступны адказ:

У адпаведнасцi з часткай трэцяй артыкула 14 Кодэкса Рэспублiкi Беларусь аб зямлi ад 23 лiпеня 2008 года, якi ўвайшоў у сiлу 1 студзеня 2009 года, зямельныя ўчасткi могуць давацца ў пажыццёвае спадчыннае валоданне замежным грамадзянам i асобам без грамадзянства, якiя з’яўляюцца сваякамi спадчынадаўцы, для абслугоўвання перададзеных у спадчыну жылога дома, зарэгiстраванай арганiзацыяй па дзяржаўнай рэгiстрацыi кватэры ў блакiраваным жылым доме, дачы, садовага домiка, размешчаных на зямельных участках, дадзеных спадчынадаўцу ў пажыццёвае спадчыннае валоданне.

Зыходзячы з iнфармацыi, якая змяшчаецца ў вашым звароце, а таксама даданых да яго матэрыялаў, зямельны ўчастак спадчынадаўцу (Муравiцкай О.Я.) у пажыццёвае спадчыннае валоданне не даваўся.

Кодэксам Рэспублiкi Беларусь аб зямлi ад 4 студзеня 1999 года, якi дзейнiчаў да 1 студзеня 2009 года, не была прадугледжана магчымасць выдзялення зямельных участкаў у пажыццёвае спадчыннае валоданне замежным грамадзянам, у тым лiку грамадзянам Расiйскай Федэрацыi.

Такiм чынам, у сiтуацыi, што разглядаецца, перадача зямельнага ўчастка на праве агульнага пажыццёвага спадчыннага валодання спадчыннiкам Муравiцкай О.Я., адзiн з якiх з’яўляецца замежным грамадзянiнам, не можа быць ажыццёўлена.

Спадчыннiкi Муравiцкай О.Я. маюць права завяршыць працэдуру афармлення дакументаў, якiя засведчваюць права на зямельныя ўчасткi, на падставе рашэнняў Астрашыцка-Гарадоцкага сельскага выканаўчага камiтэта ад 7 сакавiка 2007 г. № 178 i ад 7 сакавiка 2007 г. № 179.

Адзначаем таксама, што дзейным заканадаўствам не прадугледжана неабходнасць прыкладання да дагавора арэнды зямельнага ўчастка плана гэтага ўчастка.