Была — дзяржаўная...

Источник материала:

У адпаведнасцi з дзейным заканадаўствам ацэнка кошту жылля, якое прыватызуецца, робiцца ў цэнах, што дзейнiчаюць на дзень падачы заявы аб прыватызацыi, за вылiкам кошту яго зносу. Заканадаўства па выдзяленнi льготных крэдытаў i субсiдый грамадзянам не прадугледжвае крэдытаванне прыватызацыi жыллёвага фонду.

Аднак Палажэнне аб прыватызацыi жылых памяшканняў у дамах дзяржаўнага жыллёвага фонду, iх эксплуатацыi i рамонце (зацверджана пастановай Савета Мiнiстраў Рэспублiкi Беларусь ад 21 верасня 2001 г. № 1399 з наступнымi дапаўненнямi i змяненнямi) утрымлiвае адпаведныя льготы ў частцы выплаты кошту жылля, якое прыватызуецца (п. 24).

У выпадку адсутнасцi дастатковай сумы сродкаў для аднаразовай аплаты поўнай ацэначнай вартасцi жылога памяшкання, якое прыватызуецца, аплата можа рабiцца ў растэрмiноўку на 40 гадоў пры ўмове ўнясення першапачатковага ўзносу ў памеры, не меншым за 10 працэнтаў ад гэтага кошту.

Запазычанасць па плацяжах у лiк пакрыцця кошту набытых ва ўласнасць кватэр спаганяецца ў бясспрэчным парадку на падставе выканаўчых надпiсаў натарыусаў i службовых асобаў, якiя ў адпаведнасцi з заканадаўчымi актамi маюць права ажыццяўляць натарыяльныя дзеяннi.

Пры нявыплаце на працягу года чарговых узносаў мясцовы выканаўчы i распарадчы орган, юрыдычная асоба, якiя з’яўляюцца бокам дагавора куплi-продажу кватэры, маюць права ў судовым парадку скасаваць гэты дагавор.