Трэба адпачываць культурна!..

Источник материала:

— Рашэнне наконт будаўнiцтва кавярнi прынятае Мiнскiм гарвыканкамам. Мiнiстэрства культуры разглядала праект па рэканструкцыi парка ў цэлым. Праектную дакументацыю распрацоўвае "Мiнскпраект". Паводле дэталёвага плана там прадугледжваецца менавiта кавярня. Пытанне наконт архiтэктуры кавярнi — асобнае. Тут можна спрачацца. Асабiста мяне прапанаваная архiтэктура не задавальняе. Рашэнне, якое было прынятае, прадугледжвала, што архiтэктура кавярнi будзе адаптаваная ў асяроддзе, у наваколле таго самага Купалаўскага музея, набярэжнай i гэтак далей. Наколькi мы бачылi дакументацыю, якая датычыцца будаўнiцтва кавярнi, то яна дазваляе намнога меншы знос дрэў, чым гэта прадугледжана Дэталёвым планам рэканструкцыi парка. Акрамя таго, iнжынерныя мерапрыемствы па пракладцы i рэканструкцыi камунiкацый прадуманы з той мэтай, каб прычынiць найменшую шкоду дрэвам. Магу сказаць, што кропка тут яшчэ не пастаўлена. Ёсць некаторыя сумненнi наконт таго, цi будзе шкода ад дадатковага аб’екта самiм дрэвам. Каб зразумець, што ў парку могуць быць кавярнi, дастаткова выехаць у тыя ж самыя Варшаўскiя Лазенкi, дзе не адна кавярня i не адзiн рэстаран. I нiчога страшнага не адбываецца. У тым жа парку ёсць паркавы транспарт, тая ж самая ахова ў Лазенках ездзiць на спецыяльным транспарце. Загрузка такiх кавярняў адбываецца ў той час, калi ў парку няма наведвальнiкаў.

— Рада не зачыняе дзверы нi для каго. Калi ласка, Рада праходзiць, як правiла, у апошнi альбо перадапошнi чацвер месяца, i любы грамадзянiн цi грамадская арганiзацыя можа даведацца, якiя пытаннi разглядаюцца, i прыйсцi на Раду. А спецыяльна аднаго цi другога запрашаць... Запрашаюцца, як правiла, спецыялiсты, якiя маюць непасрэднае дачыненне, каб разглядаць прафесiйныя пытаннi.

— З улiкам тэрыторыi добраўпарадкавання гэта крышку больш, чым сама прыбiральня. Там прадугледжана i тэраса — трэба ўлiчыць тое, што побач Свiслач.

— Грузавога транспарту не плануецца, а дастаўка прадуктаў будзе весцiся, спецыяльным невялiкiм транспартам у час, калi парк не працуе, хутчэй за ўсё ранкам. Ёсць зона пад’езду па той жа самай набярэжнай. Таму няма праблемы з пад’ездам. Прадугледжаны спецыяльныя мерапрыемствы пракладкi камунiкацый, каб не прычынiць шкоду дрэвам. Прычым над гэтым праекцiроўшчыкi працавалi спецыяльна. Што самае цiкавае — архiтэктары, якiя маюць непасрэднае дачыненне да гэтага парка, лiчаць, што кавярня можа быць у парку, праўда, чамусьцi на iншым месцы. Я лiчу, што на месцы, якiя прапаноўваюцца (напрыклад, насупраць цырка), якраз не можа быць кавярнi. Па-першае, таму што там раслiннасць iншая, там якраз партэр помнiка, i немагчымае з’яўленне ў гэтай зялёнай зоне нейкага будынка, якога там нiколi не iснавала, гэта ландшафтная зона.

Так што тут самыя неверагодныя думкi выказваюцца. Атрымоўваецца, што адзiн архiтэктар ставiць сваё ўзгадненне на праекце, i ў той жа час пiша ў "Звязду", што ён супраць. Мы ж арыентуемся на меркаванне, якое ўзгодненае, калi бачым на праекце пэўныя подпiсы, калi ведаем, што генпраекцiроўшчык "Мiнскпраект" праектуе канкрэтны кiрунак развiцця парка. Мы ж не можам не верыць спецыялiстам.

— Там не плануецца нiякiх падземных узроўняў. Для чаго адпампоўваць ваду? Калi маецца на ўвазе каналiзацыя, то з прыбiральнi вада неяк адпампоўвалася. Так i з кавярнi будзе. Пракладаюцца iнжынерныя камунiкацыi, усталёўваецца помпа ў пэўным месцы згодна з нарматывам. Яна зусiм неабавязкова будзе ў парку. Яна ўсталёўваецца дзесьцi на выхадзе лакальнай сеткi на магiстральныя. У нас ёсць "Мiнскiнжпраект", ён увесь Мiнск забяспечвае iнжынернымi камунiкацыямi — якiя праблемы? Нiдзе пакуль што праблем з iнжынернымi камунiкацыямi не ўзнiкала, у тым лiку i ў парку. Дарэчы, усе паркi маюць iнжынерныя камунiкацыi — Горкага, Чалюскiнцаў. I нiхто не бачыў там праблем.

Нiякiя нарматывы закона не гавораць, што кавярнi ў парку не можа быць. Практыка нашых суседзяў паказвае, што можа. Безумоўна, людзi ў парку, ды i ў iншых месцах адпачынку, павiнны паводзiць сябе культурна.