Не трэба саромецца... быць эканомнымі

Источник материала:

— Мы змаглi для краiны пазычыць грошы i заблакiравалi першыя ўдары крызiсу. Гэта нядрэнна. Але што рабiць далей? — разважае вядомы беларускi эксперт. — Прадаваць зараз аператыўна ўласнасць — насам-рэч гэта вялiкая праблема. Па-першае, у нас няма фондавага рынку, i мы не можам ёй даць сапраўдную рынкавую ацэнку. А па-другое, пад час крызiсу, як вядома, грошай няма, i ўсе iмкнуцца набываць маёмасць як мага больш танна, за капейкi. У такiм выпадку прадаваць уласнасць сэнсу не будзе.

— У першую чаргу, арыентавацца на iстотны прыток iнвестыцый. Без гэтага мы нiкуды не дзенемся. Iнвестыцыйныя грошы — гэта не крэдытныя сродкi, галоўнае, што гэта зарыентуе прадпрыемствы рэспублiкi на вытворчасць больш канкурэнтаздольных тавараў, таму што ў неканкурэнтаздольныя тавары нiхто iнвестыцый не ўкладае. Наша задача ў гэтым плане — дапамагчы дзяржаве стварыць пазiтыўны iнвестыцыйны клiмат. На жаль, у нас пакуль тут ёсць пэўныя недапрацоўкi.

— Сутнасць у тым, што заканадаўча iнвестар усур’ёз не абаронены. Трэба прыняць дакумент, якi абмяжуе магчымасцi нападу дзяржавы на ўласнасць i павысiць узровень абароны бiзнэсу: гэтае пытанне даўно абмяркоўваецца i, па вялiкiм рахунку, быццам бы па iм не было пярэчанняў, але яго неабходна прымаць. У абавязковым парадку трэба ўводзiць значна ўзмоцненае абгрунтаванне эканамiчных дакументаў, нарматыўна-прававых актаў. Не будзе ў чыноўнiкаў сур’ёзнага абгрунтавання эканамiчнага дакумента — значыць, ён не павiнен прымацца. Абгрунтаванне актаў — вельмi важны антыкарупцыйны захад. Гэта дазваляе заблакiраваць праекты, якiя не тоячыся лабiруюць iнтарэсы пэўных нядобрасумленных груп, што накiраваныя супраць агульных мэтаў эканомiкi. Нарэшце, праекты актаў павiнны абавязкова абмяркоўвацца ў пэўным коле экспертаў. У першую чаргу, гэта грамадскае аб’яднанне прадпрымальнiкаў, у абмеркаваннi могуць удзельнiчаць незалежныя эксперты i эксперты якiх-небудзь эканамiчных арганiзацый.

У сваiх прапановах мы будзем выказвацца i за актыўную "халдынгiзацыю", iншымi словамi, каб былi выдзелены холдынгi, карпарацыi, агенцтвы, якiя б кiравалi дзяржаўнай маёмасцю i не ўваходзiлi ў склад мiнiстэрстваў i ўстановаў. Апошнiя павiнны займацца эканамiчнай палiтыкай. Што датычыцца холдынгаў, карпарацый i агенцтваў, то менавiта праз iх мы зможам правiльна весцi гутарку аб продажы буйных пакетаў акцый.

Неабходна вельмi ўважлiва перагледзець i сацыяльную кампаненту, я маю на ўвазе пытаннi беспрацоўя. У многiх выпадках нам усё ж такi больш выгадна мець беспрацоўных з якойсьцi мiнiмальнай аплатай, а не з той дапамогай, якой хапае толькi на адзiн паход у краму.

— Зараз неабходна ствараць нейкія захады для iнавацыйных укараненняў. Пакуль справа з навукаёмiстай прадукцыяй iдзе не вельмi, таму ў нас на гэты конт ёсць сур’ёзныя прапановы. Мы жывём не апошнi дзень, заўтра крызiс скончыцца i ўсё будзе па-iншаму. Тыя тавары i паслугi, якiя выцягвалi свет у апошнi перыяд страшнага росту, сыдуць. Вызначальная роля будзе за новымi: гэта ўзмацненне высокатэхналагiчных рэчаў, у першую чаргу, безумоўна, нанатэхналогii, акрамя таго, на парозе эпоха бiятэхналогiй. Гэта трэба мець на ўвазе.

Зазначу i наступнае: у перыяд крызiсу не трэба саромецца паўтараць, што эканомiка павiнна быць эканомнай. I не проста паўтараць, а праводзiць гэты лозунг у жыццё: да прыкладу, сыходзячы, гасiць святло, менш купляць, каб потым не выкiдваць на сметнiк рэшткi ежы. Эканомiць неабходна на ўсiм. У свой час жонкi прэзiдэнтаў Злучаных Штатаў не саромелiся цыраваць шкарпэткi, i iх лiчылi сусветным узорам дабрачыннасцi. Зараз Мiшэль Абама, якая разбiла гарод ля Белага дома, дэманструе амерыканцам, як у цяжкiя часы можна пры дапамозе натуральнай гаспадаркi забяспечыць прадуктамi сваю сям’ю. Гэта добры жэст.