Не стань ахвярай кіберзлачынца!

Источник материала:

У Беларусi ўзрасла колькасць злачынстваў супраць iнфармацыйнай бяспекi са 119 у 2003 годзе да 1614 летась. Падобная тэндэнцыя назiраецца ва ўсiм свеце. У Лiтве, напрыклад, рост такiх злачынстваў у параўнаннi з 2007 годам адбыўся на 82 % (у нас на 62 %). Найбольшая колькасць заяў i паведамленняў гэтай катэгорыi паступiла ў праваахоўныя органы Магiлёўскай вобласцi i Мiнска.

Самае распаўсюджанае кiбер-злачынства ў нас — крадзеж грошай з банкаматаў пры дапамозе банкаўскiх пластыкавых картак. Толькi ў Мiнску летась па крымiнальных справах расследавалася 750 фактаў такiх злачынстваў. З iх больш за 400 здзейснена пры дапамозе падробных банкаўскiх пластыкавых картак, у асноўным гэта карткi замежных банкаў. Даволi часта злачынцы здымаюць грошы з пакiнутых у банкаматах актываваных банкаўскiх картак. Акрамя таго, нярэдка злачынцы крадуць рэчы — партманэ, сумачкi, у якiх пасля знаходзяць пластыкавыя карткi з надрапаным пiн-кодам. Здараецца, што i родныя, у тым лiку дзецi, употай здымаюць сродкi з рахункаў сваiх бацькоў.

— Сёння, згодна з заканадаўствам, калi сын у бацькi зняў грошы з карткi, то мы не маем права прыпынiць крымiнальны пераслед у сувязi з прымiрэннем бакоў, — паведамiў Аляксандр Лашын. — Цяпер разглядаецца пытанне аб тым, каб пры адсутнасцi прэтэнзiй з боку ахвяры, якая знаходзiцца ў сваяцкiх сувязях са злачынцам, крымiнальная адказнасць для зламыснiка не наступала.