...

Источник материала:

Мiнюст Беларусi распрацаваў законапраект аб канфiскацыi аўтамабiля за паўторнае ваджэнне ў нецвярозым стане Згодна з унесенымi прапановамi прадугледжваецца канфiскацыя транспартнага сродку за паўторнае на працягу года пасля прыцягнення да адмiнiстрацыйнай адказнасцi кiраванне транспартным сродкам у стане алкагольнага ап’янення. У выпадку калi сродак перамяшчэння не з’яўляецца ўласнасцю асобы, якая ўчынiла злачынства, вiнаватая асоба будзе абавязана ўнесцi грашовы эквiвалент кошту машыны.

З 1 сакавiка па 30 мая у сувязi з нерастам на вадаёмах рэспублiкi ўводзяцца абмежаваннi ў аматарскай лоўлi рыбы. У гэты час рыбалка дазваляецца толькi адной вудачкай з адным кручком цi адным спiнiнгам са штучнай прыманкай. Лавiць можна толькi ў светлы час сутак i без заходу ў ваду.

Нацыянальная авiякампанiя "Белавiя" з 29 сакавiка аднавiла рэйс Мiнск — Санкт-Пецярбург. Палёты па гэтым напрамку будуць ажыццяўляцца па панядзелках, серадах, пятнiцах i нядзелях. Па панядзелках i нядзелях самалёт "Белавiя" вылятае з Мiнска ў 08.30 з прызямленнем ў Санкт-Пецярбургу ў 11.30. З Санкт-Пецярбурга паветранае судна адпраўляецца ў 12.20 з прыбыццём у Мiнск у 13.20. Па серадах i пятнiцах самалёт вылятае з Мiнска ў 15.00 з прыбыццём у Санкт-Пецярбург у 18.00. Вылет з Санкт-Пецярбурга ажыццяўляецца ў 18.50 з прызямленнем у Мiнску ў 19.50. Час названы мясцовы. Мiнiмальны кошт авiябiлета ў адзiн бок складае 95 еўра, "туды — назад" — 140 еўра.  

У продажы ў Вялiкабрытанii з’явiлася жавальная гумка, якая не прылiпае да тратуара i адзення, i раскладаецца мiкраарганiзмамi праз шэсць тыдняў пасля ўжывання. Жвачка вырабляецца ў Мексiцы з соку каўчукавага дрэва. Каля 2000 фермераў i iх сем’i атрымлiваюць з гэтага соку натуральную жавачку, якая становiцца асновай для канчатковага прадукту. Кошт пачка такой жвачкi складае 1,39 фунта. Мясцовыя ўлады ў Вялiкабрытанii на выдаленне жвачкi з тратуараў штогод расходуюць 150 мiльёнаў фунтаў. Яе счышчаюць пры дапамозе адмысловых хiмiчных аэразоляў, машын, якiя падаюць гарачую ваду пад высокiм цiскам, а таксама ўручную з дапамогай скрабкоў.