Гарыць трава, разам з ёй — лес, пабудовы

Источник материала:

Першыя цёплыя днi на Брэстчыне вызначылiся шквалам пажараў, справакаваных выпальваннем сухой травы. Як паведамiў карэспандэнту "Звязды" памочнiк начальнiка абласнога ўпраўлення МНС Сяргей Машноў, за мiнулыя выхадныя баявыя разлiкi выратавальнiкаў 103 разы выязджалi тушыць ачагi палаючай сухой травы i пажары, якiя ўзнiкалi ў вынiку палаў. Былi задзейнiчаны 142 адзiнкi тэхнiкi, з агнём змагалiся 402 чалавекi. Усяго за тры апошнiя днi ад неразумных дзеянняў падпальшчыкаў узнiкла 7 лясных пажараў. Лес пашкоджаны на плошчы 4,5 гектара.

Пацярпелi i вяскоўцы, часта ад сваёй неабачлiвасцi або ад бестурботнасцi суседзяў. За выхадныя часткова або поўнасцю згарэла шэсць гаспадарчых пабудоў. Так, у вёсцы Лотвiчы Баранавiцкага раёна ў аднаго гаспадара разам з хлеўчуком згарэў матацыкл. А ў Маларыцкiм раёне загiнуў чалавек. Пенсiянер 1933 года нараджэння пайшоў палiць траву, а дадому не вярнуўся. Потым яго знайшлi на выгаралым участку поля злёгку абгарэлага. Прычыны i акалiчнасцi гiбелi чалавека высвятляюцца.

5 красавiка ў Бабруйскiм раёне на аўтадарозе паблiзу пасёлка Глуша загiнуў у аварыi мужчына. Малады чалавек кiраваў аўтамабiлем "Мазда": ён з’ехаў у кювет i ўдарыўся ў дрэва. Ад смяротнай траўмы 24-гадовы вадзiцель памёр на месцы.

Разам з iм у машыне былi два сабакi, якiя, паводле версii ДАI, маглi адцягнуць увагу вадзiцеля i стаць ускоснай прычынай аварыi. На вялiкай хуткасцi дастаткова секунды, каб страцiць кiраванне аўтамабiлем.

Адна — на вулiцы Крыцкага ў Гомелi падчас правядзення земляных работ, а другая — у вёсцы Цiхiнiчы Рагачоўскага раёна. Снарад, таксама часоў вайны, "вырас" на полi за вёскай Гарохавiчы, што ў Акцябрскiм раёне. Ва ўсiх трох выпадках спатрэбiлася дапамога вайскоўцаў.

Гэта здарылася ў Жлобiне, дзе малады рабочы разбiраў трансфарматарную падстанцыю, што належала мясцоваму раёну электрычных сетак. Яна была пабудавана ў 1967-м, а з 2004 года не эксплуатавалася. Разборка праводзiлася без праекта i з парушэннем тэхнiкi бяспекi. У вынiку ўпалi долу плiта перакрыцця i частка сцяны збудавання. I ўсё — на чалавека, якi цяпер у цяжкiм стане знаходзiцца ў бальнiцы.

Столькi iх адбылося на Гомельшчыне. На жаль, не абышлося без ахвяраў. У вёсцы Дублiн Брагiнскага раёна загiнуў мужчына. Прычына — няспраўная печ. Другому мужчыну, можна сказаць, яшчэ пашанцавала, бо ён атрымаў апёкi другой ступенi. Гэты жыхар вёскi Сямiнча Жыткавiцкага раёна неасцярожна абыходзiўся з агнём. Гэтак жа, як i жыхарка райцэнтра Жыткавiчы. Яна спальвала смецце, ды не заўважыла, як агонь перакiнуўся на траву, а з яе — на хлеў памерамi 32 квадратныя метры. Будынак згарэў.

У Жлобiне ранiцай пры раскопцы траншэi для пракладкi кабелю па вулiцы Прамысловай, майстар, якi кантраляваў работы, убачыў прадмет, падобны на артылерыйскi снарад часоў Вялiкай Айчыннай вайны. У здагадках ён не памылiўся. Небяспечную знаходку вывезла для лiквiдацыi група размiнiравання вайсковай часцi 5525 з Гомеля. У той жа дзень рэчыцкiя сапёры займалiся размiнiраваннем двух артылерыйскiх снарадаў, якiя знайшоў ляснiк пры абыходзе тэрыторыi ў кiламетры ад вёскi Чарняўка ў Акцябрскiм раёне.

Апошнi выпадак, калi дзякуючы спрацоўцы аўтаномнага пажарнага апавяшчальнiка сям’я пазбегла гiбелi, адбыўся днямi ў вёсцы Бучацiна Капыльскага раёна. Паведамленне пра пажар паступiла каля апоўначы ад гаспадароў, разбуджаных гукам прыбора. Да гэтага часу муж з жонкай спалi. Выбрацца праз вiтальню, дзе i знаходзiўся ачаг пажару, у iх не атрымалася, i сям’я выратавалася праз акно. Сам пажар быў лакалiзаваны ў пачатковай стадыi, выратавана матэрыяльных каштоўнасцяў прыкладна на 10 мiльёнаў рублёў. Разглядаюцца дзве версii прычыны пажару — кароткае замыканне цi неасцярожнае абыходжанне з агнём.

А ў Магiлёве на Дняпры былi затрыманы старшы матарыст Дняпроўскай выратавальнай станцыi, рыбак рыбалавецкай брыгады ТДА "Пятак" i непрацуючы грамадзянiн. Яны лавiлi рыбу сеткамi агульнай даўжынёй 120 метраў. Урон у гэтым выпадку быў ацэнены ў асаблiва буйным памеры i склаў, паводле разлiкаў спецыялiстаў, больш за 3,6 мiльёна рублёў.

На аўтадарозе Кобрын—Гомель каля в. Лунiн Лунiнецкага раёна аператыўнiкi тармазнулi аўтамашыну жыхара в. Ратамка Мiнскага раёна i знайшлi там 30 тысяч бярозавых венiкаў без дакументаў. Тавар забралi. Хто будзе парыцца?

Падчас вобыску ўкрадзенае знайшлi ў дваiх жыхароў Камянца. Тую вярнулi на месца, а зладзеяў затрымалi.

55-гадовы мужчына, нягледзячы на забарону лоўлi рыбы, ў мелiярацыйнай канаве каля сваёй вёскi сеткай вылавiў 35 язёў.

Браканьера выявiла мiлiцыя з iнспекцыяй i цяпер яму давядзецца кампенсаваць страты, нанесеныя прыродзе, у памеры 7 млн 300 тыс. рублёў.

Жыхар в. Молчадзь заявiў у Баранавiцкi РАУС, што ў яго хату праз акно залез злодзей i выкраў 28 кнiжак, турыстычную палатку, рыбалоўныя прылады...

Аператыўнiкi пачалi шукаць "iнтэлектуала" i выйшлi на мясцовага беспрацоўнага, якi раней ужо асуджаўся за крадзеж. Кнiжкi i iншыя рэчы вярнулi пацярпеламу.

У лесе каля пас. Арэхаўскi Кобрынскага раёна мiлiцыяй знiшчана 300 лiтраў брагi, у гэты ж дзень каля пасёлка знайшлi яшчэ 650 лiтраў.

Вiдаць на Кобрыншчыне да самагону асаблiвая цяга, бо ў лесе каля в. Повiць знайшлi яшчэ 1000 лiтраў брагi i самагонны апарат. А можа, мiлiцыя добра працуе?

Вечарам да пенсiянеркi в. Борысы нехта пастукаў. Састарэлая адчынiла дзверы наглядна знаёмаму, якi тут жа ўдарыў жанчыну прэнтам па галаве. Калi ж гаспадыня ўпала, то пачаў бiць яе нагамi, затым некалькi разоў ударыў нажом у жывот. Рабаўнiк забраў 60 тысяч рублёў i сышоў.

Брэсцкiя аператыўнiкi выйшлi на след беспрацоўнага з Гродна i затрымалi яго. Пацярпелая ў бальнiцы.

Жыхар Слонiма звярнуўся ў мiлiцыю, бо з дому яго бабулi ў в. Вялiкая Лотва, што пад Ляхавiчамi, нехта выкраў палову меха цукру i балон з-пад газу.

Злодзеем аказаўся жыхар Чачэрска. Для зламыснiкаў адлегласць не перашкода.